“Dua të di të gjitha detajet e hetimit, i cili, i ndihmuar nga ekspertë nga Gjermania, duhet të na tregojë shkaqet e vërteta të tragjedisë. Bëhet fjalë për një ministër dhe zëvendësministër në kushtet e KOVID-19 i cili punoi shumë për t'u ballafaquar me pandeminë", tha Kryeministri Zaev në emisionin në TV Kanal 5 të organizuar si duel me udhëheqësin e opozitës Hristijan Mickovski.

"Pandemia ende ekziston, do të duhet pak kohë dhe ne duhet të jemi përgjegjës për vendimet që marrim në një kohë kur ka sfida serioze para. Të abuzosh me këtë tragjedi për qëllime politike është për të ardhur keq. Populli e njeh këtë dhe do t'i ndëshkojë në zgjedhje", tha Kryeministri Zaev.

Kryeministri Zaev theksoi se është përfitim politik të abuzosh me një tragjedi dhe të jesh hetues dhe gjykatës në të njëjtën kohë, rol të cilin e ndërmori lideri i opozitës.

"Spitalet modulare janë në përputhje me standardet e Bankës Botërore për akomodimin e përkohshëm, të cilat gjatë një periudhe kohore kanë shpëtuar qindra jetë", tha Kryeministri Zaev, duke shtuar se ato ishin të nevojshme për kujdesin spitalor adekuat për qytetarët në kushtet e shkaktuara nga pandemia.