Qeveria e Republikës së Maqedonisë së Veriut në bisedimet me SASHK-un ofroi rritje për 10% të pagave që do të sigurohen me rebalancin e Buxhetit. Kjo do të thotë që arsimtarët dhe edukatorët do të merrnin rritje mesatare për 2.500 denarë të pranimeve të tyre mujore. Gjithashtu edhe metodologjia me të cilën Qeveria do të sigurojë rritje të vazhdueshme të pagave, do të sigurojë zgjidhje të përhershme të statusit social të punonjësve në arsim.
Sindikata duhet të ketë besim në institucionet, pasi edhe më para përmes dialogut partnerial është arritur rritje e pagave të mësimdhënësve dhe të punësuarve në kopshte prej 21 %. Me këtë rritje paga e mësimdhënësit/es në arsim fillor është rritur prej mbi 3.200 denarë plus stazhi dhe tani është të paktën 24.786 denarë. Për mësimdhënësit/et në arsim të mesëm rritja është mbi 4.300 denarë plus stazhi dhe paga mesatare është 25.874 denarë. Për edukatoret në kopshte paga është rritur për rreth 6.400 denarë plus stazhi, derisa për përkëdhelëset për rreth 5.000 denarë.
Gjithashtu konsiderojmë se është jashtëzakonisht e rëndësishme kur flasim për përmirësimin e statusit të të punësuarve në arsim, sipas praktikës së vendosur nga kjo Qeveri, në periudhën prej vitit 2018 deri më 13 prill të këtij viti, në afat të papërcaktuar janë punësuar gjithsej 2.375 persona, që është gjysma e numrit të përgjithshëm të të punësuarve në kopshte që është rreth 4.600. Mes tyre ka vende pune të cilat janë transformuar nga afat i përcaktuar në të papërcaktuar, por janë hapur edhe punësime të reja. Në mënyrë plotësuese në periudhën e njëjtë janë siguruar 416 pajtime për avancimin e kuadros.
Qeveria konsideron se është e papërgjegjshme, përkundër zgjidhjes së ofruar për rritjen e pagave në arsim dhe mbrojtjen dhe edukimin e fëmijëve, të vazhdohet me grevën dhe të shkatërrohet procesi tashmë i krijuar arsimor në kushtet kur po përballemi me krizë ekonomike dhe shëndetësore. Interesi më i mirë i fëmijëve duhet të jetë i pari, sepse e drejta për arsimim e çdo fëmije është një e drejtë e garantuar me Kushtetutë. Nxënësit duhet të kthehen në shkolla, aty ku bëjnë pjesë.
Me vazhdimin e grevës dhe refuzimin e ofertës së Qeverisë e cila hap hapësirë për zgjidhje të përhershme dhe përmirësim të standardit të p]punonjësve në arsim, rreziku për vazhdimin e vitit shkollor është veçanërisht i sigurt. Në këtë kuadër, është joserioze rrezikimi dhe dëmtimi i zhvillimit personal të fëmijëve që kanë nevojë të vazhdojnë shkollimin, të regjistrohen në shkollat e mesme, të japin provimin e maturës dhe të regjistrohen në universitetet brenda dhe jashtë vendit.
Gjithashtu, në përputhje me Ligjin për marrëdhënie pune dhe Marrëveshjen kolektive për arsim fillor dhe të mesëm dhe të punësuarit në institucionet publike për kujdes dhe edukim të fëmijëve të moshës parashkollore, ndaj të punësuarve që kanë hyrë në grevë do të paguhen vetëm kontributet e pagave. Kjo del nga vendimi i SASHK-ut të mbajë grevë të përgjithshme për avancimin e të drejtave të punonjësve, ndërsa në periudhën prej gjashtë muaj nga sjellja gjegjësisht rritja e pagës minimale. Detyrimi ligjor për harmonizimin e gjashtë muajve nga miratimi, gjegjësisht rritja e pagës minimale dhe Qeveria, ndërsa ministritë dhe SASHK-u akoma bisedojnë në këtë afat të paraparë ligjërisht.
Fëmijët dhe nxënësit duhet të jenë në vend të parë, prandaj prishja e procesit arsimor është në kundërshtim me të drejtat e garantuara me Kushtetutë dhe ligje. Vendi i nxënësve është në shkolla dhe mësim patjetër të ketë.
