Kryeministri Kovaçevski, në pyetjen e gazetarëve për subvencionet për kultivuesit e duhanit, u përgjigj se mjetet në buxhet janë të siguruara dhe se si çdo vit mbetet me një ndryshim të ligjit që të sigurohet pagesa e tyre.

“Ai ndryshim i ligjit lehtëson procedurën për përfituesit e subvencioneve, gjegjësisht prodhuesit e duhanit nuk duhet të shkojnë në DHP për të marrë vërtetim për taksat e paguara në mënyrë që të lehtësohet fillimisht pagesa,  për të lehtësuar dorëzimin teknik të kërkesës për subvencione. “Si çdo vit është një ndryshim teknik që Kuvendi menjëherë e miraton, por deri në këtë moment Komisioni për Bujqësi nuk e ka vënë atë ligj në rend dite”, tha Kovaçevski.

Kryeministri theksoi se në foltoren parlamentare ka kërkuar nga deputetët që menjëherë të vendosin ligjin në rend dite, por duke qenë se Komisioni për Bujqësi udhëhiqet nga një deputet i opozitës, gjegjësisht kryetar i njërës nga partitë e koalicionit VMRO - DPMNE, ai ligj ende nuk është vënë në seancë dhe seancë nuk është caktuar.

 Dhe vetëm nga këtu shihet se opozita po bllokon ligje që nënkuptojnë një jetë më të mirë për qytetarët dhe pikërisht për këtë bëhet fjalë sepse subvencionet u jepen prodhuesve të duhanit që janë prodhues shumë të rëndësishëm në vend. E shfrytëzoj këtë rast edhe një herë për t’u bërë thirrje që menjëherë të caktohet seanca e Komisionit të Bujqësisë dhe që amendamenti teknik i ligjit të votohet brenda disa orësh në mënyrë që prodhuesit e duhanit të fillojnë menjëherë të marrin subvencionet e tyre”, tha kryetar i Qeverisë së Kovaçevskit.