Претседателот на Владата на Република Северна Македонија Димитар Ковачевски денеска како главен говорник ќе ја отвори сесијата на тема „65 години после Римскиот договор: Дали Европа е целосно економски реконструирана и интегрирана?“, предвидена да започне во 9:30 часот во рамките на Преспа форумот за дијалог.

Обраќањето на премиерот Ковачевски може да го следите на следниот линк.

Во текот на денот за време на Преспа форумот за дијалог, премиерот Ковачевски е предвидено да има и билатерални средби со заменик-помошникот на државниот секретар на Соединетите Американски Држави за европски и евроазиски прашања и специјален претставник за Западен Балкан Габриел Ескобар, со генералната потсекретарка на ОН за политички прашања и мировни операции Розмари Ди Карло, со министерот за надворешни работи на Република Полска и актуелен претседавач со ОБСЕ, Збигњев Рау, со секретарот за односи со државите на Светата Столица (Ватикан), Пол Ричард Галагер и со претседателката на Република Косово, Вјоса Османи-Садриу.

Претседателот на Владата во рамките на неговата агенда на Преспа форумот за дијалог, вчера се сретна со претседателот на Европскиот совет Шарл Мишел и со посебниот претставник на ЕУ за Западен Балкан и дијалогот Белград – Приштина, Мирослав Лајчак, а присуствуваше и на отворањето на Форумот на кое главен говорник беше Претседателот на Република Северна Македонија, Стево Пендаровски.