Ве известуваме дека утре (сабота) 13 август 2022 година, претседателот на Владата на Република Северна Македонија, Димитар Ковачевски ќе се обрати на настан по повод презентација и потпишување на договор за нова инвестиција „e.GO“.

Покрај премиерот Ковачевски, на настанот ќе се обратат и министерот за финансии Фатмир Бесими, министерот за економија Крешник Бектеши и директорот на ДТИРЗ, Јован Деспотовски. На презентацијата ќе бидат присутни и останатите вицепремиери и министри на Владата на Република Северна Македонија.

Настанот ќе се одвива во Технолошко-индустриската развојна зона (ТИРЗ) Тетово, со почеток во 12:00 часот. Медиумските екипи кои ќе го проследат настанот, неопходно е да бидат пристигнати во ТИРЗ Тетово најдоцна до 11:30 часот. На настанот не се предвидени новинарски прашања.