Премиерот Ковачевски ќе присуствува на Отворањето на Генералното Собрание на ООН во Њујорк

Претседателот на Владата на Република Северна Македонија, Димитар Ковачевски утрово по локално време ќе присуствува на отворањето на Генералното Собрание на Обединетите Нации во Њујорк. Премиерите и шефовите на држави ќе ги пречека генералниот секретар на Обединетите Нации, Антонио Гутереш. Со ова започнува генералната дебата на 77-то Генерално собрание на Обединетите нации. Годинешната сесија на Генералната асамблеја на ОН е со тема  „Tрансформативни решенија на испреплетени предизвици“, во рамки на 77-то Генерално собрание кое е фокусирано на темата: „Решенија преку солидарност, одржливост и наука“.

За попладнето по локално време во Њујорк предвидено е премиерот Ковачевски, заедно со останатите негови колеги од Западен Балкан да присуствуваат и на работен ручек, организиран од високиот претставник на Европската Унија за надворешна политика и безбедност и потпретседател на Европската Комисија, Жозеп Борел.

Календар Влада: 
E martë, Shtator 20, 2022 - 00:00 to 23:45