Kryetari i Qeverisë së Republikës së Maqedonisë së Veriut, Dimitar Kovaçevski sot mbajti fjalim në ngjarjen kushtuar Raportit të Komisionit Evropian: “Drejt rrugës evropiane: reforma të reja, mundësi të reja”, organizuar nga Sekretariati për Çështje Evropiane.

Në vazhdim ju përcjellim fjalimin e në tërësi:

“Raporti i Komisionit Evropian që erdhi para dy ditësh është shumë më tepër se një dokument. Për ne është verifikim i qartë se jemi në rrugën e duhur dhe një drejtimi akoma më të qartë se ku duhet të ecim, ndërsa ecja është e mundur vetëm me përshpejtim drejt rrugës evropiane.

Angazhimi ynë ndaj reformave të cilat duhet ta transformojnë dhe evropianizojnë Maqedoninë e Veriut janë reflektuar në vlerësimet pozitive të këtij Raporti. Kjo dëshmon se reformat që i zbatojmë janë të qëndrueshme dhe shënon progresin.

Ky Raport si asnjë tjetër deri më tani  dërgon mesazhe shumë të qarta si. Mesazhi i parë është se në shtetin tonë ka 2 koncepte. Njëri koncept është ai në krye të të cilit jam unë, ky  është koncepti që përfaqësoj dhe them që qytetarët maqedonas me kokën lart, me dinjitet, duhet të ecin drejt BE-së dhe të ulen në tryezën e madhe në Bruksel.

Koncepti i dytë, i cili është notuar në këtë Raport, është koncepti i bllokadës, i uljes në një tavolinë të vogël të izoluar, ashtu siç jemi ulur 11 vjet në të kaluarën, ndërsa  popullit i thonë të jetë krenar, i vetëm, i izoluar në një tavolinë të vogël këtu në Maqedoni.

Ky është ndryshimi mes këtyre 2 koncepteve.

Dje kisha një mysafir nga jashtë, një delegacion të lartë. Më tha një fjali –“Përfundimisht BE-ja ju shpërbleu me negociata në korrik të këtij viti”. Unë i thashë – “Do të parafrazoja fjalinë tënde. Ne jemi ata që shpëtuam fytyrën e BE-së.” Për shkak se, si asnjë shtet tjetër duhej të sjellim vendime që ishin të vështira dhe që shkaktonin ndjenja të këqija tek qytetarët tanë.

Unë ndaj këto ndjenja. Së pari, ne jemi shtet i vetëm i cili për të  aderuar drejt BE-së dhe para kësaj drejt NATO-s,  duhet të ndryshojë emrin e vendit të tij.  Së dyti, unë isha pjesë e negociatave me Republikën e Bullgarisë. Ato negociata për mua dhe për qytetarët e këtij shteti shkaktuan ndjenjë, unë e kisha atë ndjenjë dhe e ndaj ndjesinë e qytetarëve, sikur dikush me thikë t’ua  presë barkun. Por, në fund të ditës duhet të sjellin vendim, nëse vendi do të shkojë në BE, ku ka progres ekonomik, drejtësi sociale dhe atje ku ka sundim të demokracisë. Ose do të qëndroni në vend, vetëm dhe të izoluar, duke u grindur me të gjithë.

Dhe e solla atë vendim. Pse? Sepse ata që ishin kundër, ata që ishin të përmbajtur nuk dhanë alternativë, cila është alternativa? Çfarë standardi jetësor ofrojnë? Çfarë të ardhmeje  gjeneratave të reja u ofrojnë? Askush nuk ofroi alternativë të tillë. Nëse më duhet ta marr sërish vendimin, sërish do të marr të njëjtin vendim. Dhe sërish do ta sjell  me të njëjtën ndjenjë, por nuk do ta sjell për shkak të vetes dhe karrierës sime politike, por do ta sjell për shkak të gjeneratave të ardhshme në këtë shtet, për shkak se e meritojnë dhe duhet të rriten në BE. Së bashku me të gjithë anëtarët e tjerë të këtij unioni  në të cilin ka progres ekonomik, drejtësi sociale dhe sundim të së drejtës.

Të gjithë ata që për 11 vjet dhe 5 pas kësaj në mënyrë deklarative janë për BE-në ,dhe bëjnë gjithçka që kjo të mos ndodhë, me atë ndalesë vetëm kundërshtojnë me të madhe sundimin e së drejtës dhe luftën më të madhe kundër korrupsionit.
Dua të flas për atë që duhet ta bëjmë. Ky raport përmend shumë qartë, se në këtë shtet ka dy koncepte edhe në aspekt tjetër.
Një koncept i kryesuar nga unë, i cili propozon ligje reformuese, që propozon masa për mbrojtjen e standardit të qytetarëve, i cili punon 24 orë për të siguruar energji, burime për prodhimin e energjisë.

Një koncept i dytë që bllokon të gjitha ligjet në Parlament. Nëse mund të kuptoj një pjesë të asaj opozite, e cila është në telefon me Rusinë gjithë ditën, pjesën e dytë nuk mund ta kuptoj.

U bëj thirrje të gjithëve në Kuvend të bashkohemi për hir të së ardhmes së këtij vendi, sepse ne që jemi në ulëset parlamentare, në zyrat e Qeverisë varet se sa shpejt do të zbatohen reformat. Jam i bindur se deri në vitin 2030 vendi ynë mund të bëhet anëtar i BE-së, sepse deri më tani 45% e legjislacionit evropian është i harmonizuar me legjislacionin tonë. Kemi ekipe, ekspertë që kanë vite në ministri, të cilët e dinë se çfarë duhet të bëjnë në fushën e harmonizimit të legjislacionit. Ne nuk thamë se ishim më të zgjuarit, morëm negociatorin më me përvojë që ka ekzistuar në këtë rajon, kryenegociatori i Kroacisë që ishte edhe përfaqësuesi i përhershëm i Kroacisë në BE, i cili ishte këshilltar i Kryeministrit të tyre tani është kryekëshilltari i kryenegociatorit tonë. Nëse doni të luani në ligën e madhe, atëherë duhet të keni lojtarë të ligave të mëdha në ekipin tuaj.

Prandaj, po, do të marrim ekspertë që vijnë nga vendet tona mike.

Ajo që kemi përpara, nëse hyjmë në Raport, ka shumë gjëra që duhet t'i rregullojmë. Nuk mjafton vetëm të bësh një ligj, të miratosh një ligj. Ai ligj duhet të zbatohet. Prandaj, u bëj thirrje të gjitha institucioneve, veçanërisht institucioneve që janë në fushën e sundimit të ligjit, që janë në fushën e luftës dhe përballjes së krimit dhe korrupsionit, të përveshin mëngët dhe të punojnë me ritme të përshpejtuara për të zbatuar gjithçka që është shënuar në Raport. Pse? Sepse pas 12 muajsh do të kemi një raport të ri, por ai raport nuk do të jetë thjesht një inventar i njëanshëm i asaj që bëjmë. Do të jetë rezultat i procesit të shqyrtimit që po zhvillohet aktualisht. Ky shqyrtim ka 2 pjesë, njëra është sqaruese në të cilën BE-ja na tregon se çfarë është bërë rishtazi në legjislacionin evropian që nga hera e fundit që është bërë në 3 vjet. Ndërsa në pjesën e dytë, e cila po fillon tani, do të duhet të sqarojmë se çfarë, në çfarë mase dhe në çfarë mase kemi bërë në drejtim të harmonizimit të legjislacionit, por edhe në aspektin e zbatimit të atyre ligjeve.

Kjo është detyrë e Qeverisë. Është detyrë e të gjitha partive politike në këtë vend. Një agjendë politike nuk mund të jetë pengesë për të ardhmen e vendit të vet. Një agjendë politike mund të jetë politika ekonomike, politika tatimore, politika e pagave, politika sociale, por nuk mund të jetë një politikë që pengon të ardhmen e vendit tuaj, prandaj u bëj thirrje të gjithëve që të bashkohen sa më shpejt dhe deri në vitin 2030 ta shohin Maqedoninë e Veriut si një anëtar i barabartë i BE-së”.

Të gjithë ata që për 11 vjet e 5 pas kësaj deklarativisht janë pro BE-së dhe po bëjnë gjithçka që kjo të mos ndodhë, me atë ndalesë vetëm po kundërshtojnë një shtet më të madh të ligjit dhe një luftë më të madhe kundër korrupsionit. Është e vetmja gjë për të cilën ata po luftojnë në fund të ditës.

Dua të flas për atë që duhet të bëjmë. Ky raport gjithashtu thekson shumë qartë se në këtë vend ekzistojnë dy koncepte nga një aspekt tjetër.