Nga konferenca për shtyp e zëdhënësit Arsovski dhe bashkëpunëtorit Andonov: Po rritet pavarësia energjetike e shtetit, për së pari herë në 15 vitet e ardhshme 87% e nevojave të përgjithshme për energji elektrike është prodhim vendor

Në konferencën e sotme për shtyp, zëdhënësi i Qeverisë, Dushko Arsovski dhe bashkëpunëtori për energjetikë, Viktor Andonov, i prezantuan informacionet e fundit për gjendjen energjetike në vend dhe vendimet nga mbledhja e 129-të e Qeverisë.

Bashkëpunëtori për energjetikë, Viktor Andonov, prezantoi të dhënat e fundit sipas të cilave të gjitha kapaciteteve energjetike vendore janë funksionale, prodhimi vendor i energjisë elektrike është stabil dhe i plotëson tërësisht nevojat e amvisërive, konsumatorëve të vegjël, si dhe nevojat për furnizime shtesë për shkollat, industri ushqimore dhe subjekte të tjera vitale shtetërore.

“Gjatë ditës së djeshme, prodhimi ditor i energjisë elektrike vendore ka arritur në 19,205 Mwh, prej të cilave 13,940 Mwh nga termocentralet, ndërsa 5,265 Mwh nga burimet e ripërtërishme. Me këtë prodhim plotësohen plotësisht nevojat e amvisërive dhe konsumatorëve të vegjël si nevojat për furnizime shtesë për shkollat, industrinë ushqimore dhe subjektet tjera vitale shtetërore”, tha Andonov.

Ai theksoi se Qeveria e Republikës së Maqedonisë së Veriut edhe në vitin 2023 vazhdon me zbatimin e planit për trajtimin më të lehtë të krizës energjetike, i cili përfshin rritjen e prodhimit vendor të energjisë elektrike dhe furnizimin e pandërprerë të qytetarëve me energji elektrike dhe ngrohje.

“Në vitin e fundit janë bërë të gjitha përpjekjet për rritjen e prodhimit vendor të energjisë elektrike dhe opinioni është informuar çdo ditë për të dhënat ditore për energjinë elektrike të prodhuar.

Në muajin janar, për herë të parë në 15 vitet e fundit, nga gjithsej nevojat për energji elektrike në Maqedoninë e Veriut, 87% është siguruar nga objektet e prodhimit vendas, ndërsa vetëm 13% është siguruar nga importi”, shtoi Andonov.

Andonov theksoi rëndësinë e programeve dhe masave në mbështetje të qytetarëve dhe kompanive, të cilat i bëri të ditur ministri i Ekonomisë, Kreshnik Bekteshi, ndër të cilat është edhe thirrja ende aktive për subvencionimin e faturave të energjisë elektrike për kategoritë më të cenueshme të qytetarëve.

“Ftoj qytetarët që të aplikojnë në thirrjen publike që do të jetë e hapur deri në fund të shkurtit dhe të gjitha detajet se cilat kategori të qytetarëve mund të aplikojnë dhe procedurën i gjeni në ueb faqen e Ministrisë së Ekonomisë.

 (https://www.economy.gov.mk/mk-MK/news/javen-oglas-za-finansiska-poddrska...)

Shteti siguroi gati 1 milion euro për subvencionimin e faturave të energjisë elektrike për amvisëritë me të ardhura të ulëta, subvencioni shkon nga 600 deri në 800 denarë nga fatura e energjisë elektrike.

Me këtë thirrje këtë vit është rritur pragu i të ardhurave totale të realizuara nga amvisëritë dhe janë futur kategoritë e reja të amvisërive që do të mund ta përdorin këtë masë.

Gjithashtu, për të shmangur dyshimet dhe dezinformatat, dua të theksoj se qytetarët që kanë marrë subvencione në faturat e energjisë elektrike vitin e kaluar mund ta përdorin sërish këtë masë, por duhet të aplikojnë sërish në thirrjen publike për të marrë subvencionin që u takon.

Informacion i rëndësishme që duhet ta dinë qytetarët të cilët i plotësojnë kushtet për masat nga kjo thirrje është se nëse këto amvisëri arrijnë të kursejnë rrymë për 10% në krahasim me periudhën e njëjtë të vitit të kaluar, atëherë do të kenë 200 deri në 300 denarë shtesë ulje të energjisë elektrike, varësisht nga kategoria”, tha Andonov.

Andonov tha se programi parasheh këto kategori të mjeteve, për një person të vetëm me të ardhura deri në 19.000 denarë; për familje me dy anëtarë me të ardhura deri në 25.000 denarë; për amvisëri deri në tre anëtarë me të ardhura deri në 30.000 denarë, zvogëlimi në llogari do të jetë 600 denarë, ndërsa për amvisëri katër anëtarësh me të ardhura deri në 36.000 denarë; kurse për amvisëri me pesë anëtarë e më shumë anëtarë me të ardhura deri në 43.000 denarë, ulja e faturës do të jetë 800 denarë.

Këtë vit, kjo masë është zgjeruar për të përfshirë edhe kategori të tjera personash të rrezikuar sociale si përfitues të së drejtës për dëmshpërblim për shkak të aftësisë së kufizuar, prindër të vetëm që nuk janë të regjistruar përfitues të asistencës minimale të garantuar dhe përfitues të së drejtës për kompensim për dëm fizik.

“Kursimi i energjisë elektrike është jashtëzakonisht i rëndësishëm në kohë krize dhe përmes kësaj mase ne ndihmojmë qytetarët që kanë nevojë për mbështetje më të madhe dhe i inkurajojmë që të kursejnë energjinë elektrike.

Konsumi më i ulët i energjisë elektrike për këta qytetarë së bashku me subvencionimin e shtetit do të nënkuptojë ulje të faturave të energjisë elektrike dhe mbështetje për institucionet që të përballen më lehtë me krizën energjetike.

“Solidariteti është hallka më e rëndësishme për tejkalimin më të lehtë të sfidave të krizës me të cilat përballemi të gjithë”, tha Viktor Andonov, bashkëpunëtor për energjetikë.

Zëdhënësi Arsovski informoi për disa nga konkluzat e mbledhjes së 129-të të Qeverisë, si për informacionin për themelimin e Sistemit për monitorim dhe kontroll të produkteve të duhanit dhe Sistemi për monitorim dhe kontroll të naftës dhe derivateve të naftës - Track&Trace, me rekomandime për mënyrën e zbatimit në Republikën e Maqedonisë së Veriut.

Ai informon që sistemi ka për qëllim të sigurojë ndjekje dhe kontroll në të gjitha fazat e lëvizjes së tyre deri te vendi i parë i shitjes me pakicë.

“Me propozim të zëvendëskryetarit të Qeverisë  të ngarkuar për çështje ekonomike, koordinimin e resorëve ekonomike dhe investimeve, shqyrtoi dhe miratoi Informacionin për projektin e Asistentit digjital për nevojat e programeve të ndihmës shtetërore të Qeverisë së Republikës së Maqedonisë së Veriut- Ndihma Shtetërore. Në të njëjtën kohë, përmes një demo-simulimi, u bë prezantimi i asistentit të parë digjital në sektorin publik në vendin tonë, bazuar në inteligjencën artificiale, ADA, i krijuar për nevojat e programeve të ndihmës shtetërore..

Me vendosjen e një asistenti të tillë digjital, pritet që deri në 80 për qind e të gjitha ndërveprimeve me përdoruesit të automatizohen, gjë që do të kontribuojë në një kursim të madh të burimeve, komunikim proaktiv me qytetarët, uljen e mbingarkesës në institucione, më efikase dhe procese efektive, shërbime, rritje të produktivitetit të punonjësve”, nënvizoi Arsovski.

Ai informoi se është miratuar vendim për shkarkimin e Vlladimir Kronevskit nga pozita e drejtorit të Gazetës Zyrtare të Republikës së Maqedonisë së Veriut. Qeveria emëroi Kristina Joakimovskën si ushtruese të detyrës drejtoreshë e NP Gazeta Zyrtare e Republikës së Maqedonisë së Veriut.