Sot, kisha kënaqësi të madhe në organizim të Institutit Republikan Ndërkombëtar, së bashku me sektorin joqeveritar dhe disa anëtarë të Qeverisë, patëm rastin të diskutojmë për një temë që paraqet problem akut për ne si vend, e cila ka të bëjë me nivelin e lartë të krimit dhe korrupsionit dhe luftën kundër këtij niveli të lartë të krimit dhe korrupsionit.

Dhe si shtesë biseduam edhe për qeverisjen e mirë, diçka që është e domosdoshme për këtë Qeveri. Shpresoj se në periudhën që vijon të gjitha këto bisedime të kenë efekt në punën e Qeverisë, të jem më i saktë jam i bindur, sepse nga ana e Qeverisë ka një dëshirë të madhe, por në të njëjtën kohë edhe përkushtim pikërisht ndaj këtyre problemeve që janë akute në Maqedoni si shtet.

Më lejoni të shpreh edhe një herë mirënjohjen time të madhe për Institutin Republikan Ndërkombëtar që e lehtëson këtë proces.

Edhe një herë, të shpreh kënaqësinë e Qeverisë që mund të marrë pjesë dhe të bisedojë me sektorin joqeveritar, sepse lufta kundër krimit dhe korrupsionit duhet të jetë vendimtare, pa e fituar atë luftë nuk mund të kemi një shtet të zhvilluar, nuk mund të kemi kushte më të mira dhe standard më të mirë për qytetarët.

Dhe ne si Qeveri synojmë të bëjmë gjithçka që kemi në dorë për të ofruar kushte më të mira për jetesë, por edhe standard më të mirë për qytetarët tanë, sepse këtë presin qytetarët nga ne dhe për këtë kanë votuar qytetarët disa muaj në të dyja zgjedhjet presidenciale dhe parlamentare.

Së bashku me sektorin joqeveritar, bashkë me Institutin Republikan Ndërkombëtar, jam i bindur se do të bëjmë shumë.