I Nderuar Shenjtëria Juaj, Kryepeshkopi i Ohrit dhe i Maqedonisë, z.z. Stefan,

Të nderuar anëtarë të Sinodit të Shenjtë Arqipeshkvnor,

Të nderuar kler dhe murgëri,

Të dashur bashkëqytetarë,

Në emrin tim personal dhe në emër të Qeverisë, ju drejtoj urimet më të sinqerta me rastin e festës së madhe të krishterë – Krishtlindja.

Lindja e Shpëtimtarit të botës është simbol i dashurisë, mëshirës dhe sakrificës për të mirën e njerëzimit. Kjo ditë e shenjtë na kujton vlerat e vërteta – besimin, shpresën dhe dashurinë, që duhet të na udhëheqin në jetën e përditshme. Krishtlindjet na thërrasin gjithashtu të jemi solidarë, të ndihmojmë njëri-tjetrin dhe të ndajmë gëzimin me të gjithë rreth nesh.

Në kohë kur sfidat janë të shumta, kjo atmosferë festive na nxit të reflektojmë për bashkimin dhe unitetin, si themelin më të fortë për ndërtimin e një të ardhmeje më të mirë. Krishtlindja le të jenë një kujtesë se me besim, punë dhe mirëkuptim të ndërsjellë mund të krijojmë një shoqëri të mbushur me paqe, drejtësi dhe përparim.

Le të na japë Krishtlindja forcë të re për të punuar së bashku dhe për të realizuar vepra të mëdha për të mirën e të gjithë qytetarëve, duke kultivuar traditën dhe shpirtërinë si themele të shoqërisë sonë.

Ju uroj që këtë festë ta kalojmë me paqe shpirtërore, me gëzim në zemër, në gjirin e familjes dhe më të dashurve.

Le të na udhëheqë mëshira e Zotit në jetë, duke na sjellë mirëqenie, shëndet dhe sukses në çdo hap tonin.

Krishti u lind!