Zëvendëskryeministri i Qeverisë së Republikës së Maqedonisë së Veriut dhe ministër për marrëdhëniet ndërmjet bashkësive, z. Ivan Stoilkoviq, dërgoi një telegram urimi me rastin e zgjedhjes së qeverisë së re të Republikës së Serbisë, në krye me kryeministrin Gjuro Macut.

„Zoti Macut, në emër të serbëve në Maqedoni dhe në emrin tim personal, me rastin e zgjedhjes suaj si Kryeministër i Qeverisë së Serbisë, ju shpreh urimet më të sinqerta, me shpresën se qeveria që do ta udhëhiqni do të vazhdojë me politikën e zhvillimit të gjithanshëm të Serbisë, në mënyrë që një Serbi e prosperuar dhe e fortë të jetë dhe të mbetet simbol i stabilitetit, paqes dhe përparimit ekonomik të të gjithë rajonit.

Serbët në Maqedoni janë shumë mirënjohës dhe krenarë për rezultatet që vendi ynë amë ka arritur në fushën e përparimit ekonomik dhe luftës për stabilitet politik, jo vetëm në Serbi, por edhe në të gjithë rajonin, dhe në këtë kuptim, kjo është një mbështetje e vërtetë për serbët në rajon, përfshirë edhe ne në Maqedoni. Me shprehje të respektit dhe mirënjohjes më të thellë, thuhet në telegramin e dërguar nga zëvendëskryeministri dhe ministri Stoilkoviq.“