Kryeministri Zaev dhe Zëvendëskryeministri Angjushev në takim me delegacionin e ekonomisë gjermane dhe kompanitë gjermane: Punojmë me përkushtim për të thelluar bashkëpunimin e shkëlqyer me Republikën Federale të Gjermanisë si partner i ynë më i mirë

Kryetari i Qeverisë së Republikës së Maqedonisë së Veriut, Zoran Zaev bashkë me Zëvendëskryetarin e Qeverisë të ngarkuar për çështje ekonomike, Koço Angjushev sot realizuan takim me delegacionin e ekonomisë gjermane, si dhe me përfaqësues të kompanive gjermane të cilat punojnë në vend. Në takim morën pjesë edhe ministri i Shëndetësisë, Venko Filipçe, si dhe drejtori i Agjencisë për Kadastër dhe Patundshmëri dhe drejtorët e Fondit për Sigurim Shëndetësor, Boris Tunxhev i Den Donçev.

  Duke theksuar se Republika Federale e Gjermanisë është partner strategjik ekonomik i RMV-së, në takim Kryeministri Zaev, tha se në vend më mënyrë të suksesshme funksionojnë rreth 200 kompani me kapital gjerman, të cilat punësojnë mbi 20 mijë persona.

“Sot këtu jemi që të ndjeni vetëdijen tonë për kontributin e juaj në ekonominë e Maqedonisë së Veriut. Mund të llogaritni ne.

 Çdo kritikë e juaj është alarm që të mënjanojmë dobësitë. Besoj se në shtetin tonë çdo ditë e më shumë do t’i vendosim standardet dhe mekanizmat evropiane”, theksoi Kryeministri Zaev.

Kryeministri Zaev nënvizoi se eksporti nga Maqedonia e Veriut në Gjermani shënon rritje prej 17% dhe pothuajse import 3 fish më të lartë dhe se insistojmë kjo rritje të vazhdojë edhe më tepër.

“Pikërisht për këtë punojmë me përkushtim dhe me mund për të thelluar bashkëpunimin tash më të lidhur. Potenciali për bashkëpunim është i madh. Ne jemi të hapur për hyrjen e kompanive të reja gjermane në tregun e Maqedonisë së Veriut”, përfundoi Kryeministri Zaev.

Në takimin e sotëm të katërt me radhë me delegacionin e ekonomisë gjermane dhe me përfaqësuesit e kompanive gjermane të cilat tash më veprojnë në RMV, Zëvendëskryetari i Qeverisë i ngarkuar për Çështje Ekonomike, Koço Angjushev, theksoi se sikur deri më tani edhe më tej Qeveria do të jetë përgjegjëse për kërkesat e kompanive.

“Këtu jemi që bashkërisht t’i tejkalojmë sfidat me të cilat përballemi. Besoj se me komunikim të shpeshtë me ekonominë të cilën e bëjmë, më lehtë dhe në mënyrë më efikase do t’i tejkalojmë sfidat me të cilat ballafaqohen kompanitë”, shtoi Zëvendëskryeministri Angjushev.

Përfaqësuesit e kompanive me kapital gjerman përmendën sfidat më të mëdha me të cilat ballafaqohen gjatë punës së tyre. Një pjesë e tyre përballen me mungesë të kuadrit cilësor në fusha të caktuara, e të tjerët me mbrojtjen e mjedisit jetësor.

Përfaqësuesit e kompanive me kapital gjerman, si dhe kryetari i delegacionit të ekonomisë gjermane në vend, Patrik Mertens, përshëndetën gatishmërinë e Qeverisë së RMV-së për takimet e përbashkëta të shpeshta, si takimi i sotëm.

“Presim që shteti të punojë edhe më tepër për ti përmirësuar kushtet dhe Republika e Maqedonisë së Veriut të jetë vend më atraktiv për investim. Ne i inkurajojmë edhe kompanitë e tjera të investojnë këtu, sepse dëshirojmë qe edhe më tej ta zhvillojmë këtë vend”, tha kryetari i delegacionit të ekonomisë gjermane, Patrik Mertens.