Në vazhdim fjalimi integral i zëvendëskryetarit të Qeverisë të ngarkuar për Çështje ekonomike, koordinim të resorëve ekonomikë dhe investime, Fatmir Bytyqi, në ceremoninë me të cilën u shënua Dita Nacionale e Maqedonisë së Veriut në Ekspo Dubai 2020, ngjarja më e madhe e këtij lloji në botë, ku përveç vendit tonë, në pavijone të rregulluara posaçërisht edhe për 191 vende të tjera nga e tërë bota:
Shkëlqesia juaj,
Të nderuar anëtarë të delegacionit zyrtar të Emirateve të Bashkuara Arabe,
Të nderuar anëtarë të delegacionit zyrtar të Republikës së Maqedonisë së Veriut,
Të nderuar anëtarë të ekipit organizativ të EKSPO,
Të nderuar pjesëmarrës, përfaqësues të mediave dhe mysafirë,
Të dashur miq,
Sot, kur festojmë Ditën Kombëtare të Republikës së Maqedonisë së Veriut, është nder dhe privilegj i madh të jem këtu me ju dhe në mesin tuaj. Më lejoni që fillimisht t’ju falënderoj, në emër të Qeverisë së Republikës së Maqedonisë së Veriut dhe të bashkëqytetarëve të mi që na shikojnë drejtpërdrejt në kanalin tonë kombëtar në shtëpi, për këtë mundësi të madhe, por edhe për mbështetjen tuaj të përzemërt për përfaqësimin e vendit tonë.
Nuk është risi kur them se dy vitet e fundit ishin një sfidë e madhe për të gjithë, por dua të theksoj falënderimet për ju dhe gjithë ekipin organizativ të EKSPO-së dhe për Emiratet e Bashkuara Arabe që dolët mbi situatën dhe arritët të organizoni një ngjarje kaq të mrekullueshme. Urime për durimin dhe qëndrueshmërinë tuaj; ju faleminderit që nuk hoqët dorë nga ideja e ndërtimit të këtij vendi të rëndësishëm dhe të krijoni këtë histori revolucionare. Para së gjithash, kjo EKSPO, simbolizon respektin dhe përqafon diversitetin duke promovuar dhe jetuar në veprim - kohezion, integrim, bashkëpunim, përfshirje dhe vizion. E gjithë botën është dhe mbledhur në një vend - është një mundësi unike për të mësuar nga njëri-tjetri dhe për njëri-tjetrin dhe për të përdorur përparësitë tona unike për t'u rritur bashkë.
Së bashku në solidaritet dhe dhembshuri, është ajo që na printe gjatë pandemisë Covid. Ishim së bashku dhe akoma qëndrojmë të fortë duke luftuar me vështirësi. Kjo është e vetmja rrugë përpara që do të na lejojë t’i kthehemi jetës. Së bashku, me ndjeshmërinë, do të vazhdojmë të ndërtojmë qëndrueshmëri në periudhën pas Covid-it.
Qeveria e Republikës së Maqedonisë së Veriut i ka të gjitha synimet e saj për integrimin dhe ndërtimin e partneriteteve. Që nga marsi i vitit 2020, Republika e Maqedonisë së Veriut është anëtare zyrtare e NATO-s, e cila ka sjellë siguri dhe stabilitet të konsiderueshëm.
Ndërsa shkojmë drejt integrimit në Bashkimin Evropian, ne bëjmë përparim të rëndësishëm në zbatimin e standardeve evropiane në vendin tonë dhe i përmbushim piketat tona në drejtim të digjitalizimit, përmirësimit të bashkëpunimit dhe partneritetit rajonal, mundësi të barabarta për investime, investimeve të gjera në infrastrukturë dhe përmirësime, të gjitha për sa kohë që ne jemi të përkushtuar për të përmbushur qëllimet tona të zhvillimit të qëndrueshëm me një vetëdije të fortë për mbrojtjen e mjedisit.
Miqtë e mi të dashur,
Sot festojmë. Ne po festojmë Ditën Kombëtare të kombit tim këtu në Dubai Ekspo, por zemra ime është e lumtur edhe për shkak të miqësisë sonë dhe shpresoj për një bashkëpunim të frytshëm në të ardhmen me Emiratet e Bashkuara Arabe (dhe më shumë se kaq).
I vlerësojmë miqtë dhe partnerët tanë dhe kemi shumë për të ofruar. Duke qenë në pragun e Bashkimit Evropian, ne ofrojmë një mundësi unike për treg, si dhe zinxhirë të fortë furnizimi që mund të përhapen në të gjithë rajonin e Ballkanit Perëndimor.
Është një dritare e mundësive që po hapet për rajonin tonë në këtë periudhë rikuperimi pas COVID-it - ajo përdor të gjithë potencialin e operacionit sipas modelit Near-shoring, që është dëshmuar të jetë një domosdoshmëri që është shfaqur gjatë pandemisë. Kur furnitorët e largët ndërkombëtarë nuk kanë arritur të dërgojnë, ajo që është bërë më e dukshme se kurrë është mundësia që gjendet në zinxhirët rajonalë të vlerës që mund të krijojnë stabilitet dhe rritje ekonomike. Duke pasur parasysh afërsinë e tregut tonë me tregun e madh evropian, potenciali dhe shansi ynë për t'u kthyer në periudhën më të mirë pas COVID-it qëndron pikërisht këtu.
Sot jam krenar dhe mirënjohës për këtë mundësi. Le të ndërtojmë miqësi të reja për të cilat jam i sigurt se do të zgjasin përgjithmonë.
Ju faleminderit për këtë ditë!
