518 shkolla, prodhues të ushqimit dhe ujësjellësa aplikuan për furnizim me energji elektrike me çmime më të ulëta përmes “EMV Shitje”.

Nga gjithsej shkolla ​​publike fillore dhe të mesme në vend aplikuan 233, nga 70 ndërmarrje publike në fushën e menaxhimit të ujërave aplikuan 50 dhe nga kategoria e personave fizikë dhe juridikë të regjistruar në sektorin ushqimor janë 235 subjekte.

Në konferencën për shtyp, Kryeministri Kovaçevski rikujtoi premtimin e Qeverisë së Republikës së Maqedonisë së Veriut se askush nuk do të lihet vetëm për t'u marrë me pasojat e krizës këtë dimër dhe se institucionet po punojnë me përkushtim për gjetjen e zgjidhjeve.

“Në mbledhjen e Qeverisë para disa javëve u miratuan disa vendime të rëndësishme që siguruan energji elektrike të lirë për disa kategori shfrytëzuesish për funksionimin e institucioneve vitale dhe në kushtet e një krize kaq të madhe energjetike.

Ndikimi përfundimtar i kësaj mase do të jetë stabilizimi dhe ulja e çmimeve të produkteve finale, të cilat tashmë janë në rënie në disa industri.

Ne deri më tani në disa raste kemi dëshmuar se me atë qasje të përgjegjshme në periudhën e kaluar kemi arritur t'ua kthejmë paratë qytetarëve atëherë kur ka qenë më e nevojshme. Me të njëjtën qasje të përgjegjshme, ne punojmë edhe për të siguruar investime, sepse në këto kohë të vështira, mënyra më e mirë me të cilën mund ta luftojmë krizën është që Maqedonia e Veriut të hapë dhe të sigurojë sa më shumë vende pune për qytetarët tanë. Mënyra më e mirë për t'u përballur me shpenzimet e larta të jetesës është të sjellim vende pune më të paguara në industritë e së ardhmes, të cilat mbështeten nga kjo Qeveri," tha Kryeministri Kovaçevski.

Ministria e Ekonomisë që nga fillimi i krizës energjetike ka qenë në komunikim të rregullt me ​​sektorin e biznesit dhe veçanërisht me atë të industrisë ushqimore, tha ministri i Ekonomisë, Kreshnik Bekteshi.

“Për disa prodhues, komponenti importues i ushqimit ka një peshë më të madhe në formimin e çmimit, për të tjerë është energjia elektrike.

Në rastin e energjisë elektrike, llogaritjet e reja të çmimeve tashmë po bëhen sipas situatës aktuale të shpenzimit dhe jo sipas çmimit të së ardhmes së energjisë elektrike.

Te ata mund të pritet më shpejt një korrigjim, gjegjësisht ulje e çmimeve.

Prej më 1 dhjetor të këtij viti duhet të shohim rezultatet fillestare në treg të çmimeve të korrigjuara të produkteve ushqimore bazë dhe në katër muajt e ardhshëm, derisa do të zgjasë gjendja e krizës, pres që në bazë të llogaritjeve të vazhdueshme të shpenzimeve nga çmimet e ushqimeve të importit dhe çmimet e subvencionuara të energjisë elektrike, si dhe çmimet e tregut të aksioneve që tashmë janë në ngecje, të vazhdojë ulja reale e çmimeve në interes të konsumatorëve. Një ulje prej 10% është realiste të pritet”, tha ministri Bekteshi.

Drejtori i SHA EMV, Vasko Kovaçevski, informoi se përmes "EMV Shitje" pas vetëm disa ditësh nga marrja e vendimit dhe detyrimit nga Qeveria për furnizimin e kategorive të caktuara të konsumatorëve, kompania e ka përgatitur dhe zbatuar tërë procesin.

“Lista i është dërguar “EVN Distribuim” që edhe nga ana e tyre të zbatohen procedurat e nevojshme, e gjitha me qëllim që nga 1 dhjetori të fillojnë të marrin energji elektrike me çmimin 95e/MW për shkollat ​​dhe ujësjellësit dhe 80e/MWh për subjektet komerciale nga industria ushqimore sipas kodit të përfshirë në vendimin e Qeverisë.

Për momentin nuk kemi të dhëna për sasinë totale të energjisë elektrike që SHA EMV-ja përmes “EMV Shitje” do të duhet të sigurojë për tre kategoritë e konsumatorëve, për furnizimin e subvencionuar të të cilëve ne si kompani jemi të ngarkuar nga Qeveria. Ato përllogaritje tani janë duke u bërë dhe do të përgatiten në bashkëpunim me “EVN Elektrodistribuim”, pas së cilës do të kemi një pasqyrë të qartë të furnizimit shtesë. SHA EMV do të bëjë të gjitha përpjekjet për të rritur prodhimin e vet”, tha drejtori Kovaçevski.