---

Fjalim i Kryeministrit Dimitar Kovaçevski me rastin e vënies në funksionim zyrtar të magjistrales  kryesore Kumanovë-Stracin

Kryetari i Qeverisë së Republikës së Maqedonisë së Veriut, Dimitar Kovaçevski, së bashku me ministrin e Transportit dhe Lidhjeve, Blagoj Boçvarski dhe drejtorin e Ndërmarrjes Publike për Rrugë Shtetërore, Ejup Rustemi, sot morën pjesë dhe mbajtën fjalim  me rastin e vënies në lëshim në përdorim të  magjistrales Kumanovë - Stracin.

 

Në vazhdim ju përcjellim fjalimin integral të Kryeministrit Kovaçevski:

“Sot po shënojmë vënien në punë të rrugës Kumanovë-Stracin, të cilin zyrtarisht po e vëmë në funksionim. Ky është një tjetër projekt i përfunduar me sukses në fushën e infrastrukturës rrugore, një tjetër projekt domethënës për qytetarët, për zhvillimin e balancuar rajonal, për ekonominë në këtë pjesë të vendit.

Me vënien në përdorim të rrugës kryesore Kumanovë-Stracin, investim prej 12 milionë eurosh, po realizojmë projektin e planifikuar për realizimin e Korridorit 8 në drejtimin rrugor lindje-perëndim. Gjatësia totale e rrugës Kumanovë-Stracin është 31.2 kilometra dhe po rehabilitohet për herë të parë pas më shumë se 32 vitesh.

Që do të thotë se në Republikën e pavarur të Maqedonisë, në Republikën e Maqedonisë së Veriut, kjo rrugë asnjëherë nuk është rehabilituar, nuk është zgjeruar dhe asnjëherë nuk është dukur si sot.

Kjo magjistrale  kryesore, e cila është pjesë e Korridorit 8 pan-Evropian, ka një rëndësi jetike jo vetëm për këtë rajon, por edhe për të gjithë vendin. Lidhja e rrugëve lokale dhe rajonale me korridoret kryesore do të thotë lidhje me vendet fqinje, me vendet evropiane dhe ky është prioriteti ynë strategjik!

 

Më vjen mirë veçanërisht që lindja dhe verilindja, të harruara prej shumë vitesh, po zhvillohen me infrastrukturë rrugore moderne. Përveç kësaj rruge kryesore, pikërisht në këtë rajon intensivisht po zhvillohen edhe punimet ndërtimore në magjistralen ekspres Rankovcë – Kriva Pallankë, ku përveç kësaj, me rindërtim dhe zgjerim me korsi të tretë shtesë deri në pikën kufitare Deve Bair me Bullgaria, do të kemi një korridor të plotë rrugor 8 në degën lindore. Pra, nga rruga më e keqe në vend që të çonte nga Kumanova në kufirin me Bullgarinë në Deve Bair, tani do të kemi një magjistrale  moderne që do të jetë më e shpejtë dhe më e sigurt për të lëvizur. Ky projekt infrastrukturor do ta bëjë vendin tonë një qendër kryesore transitore në Ballkan dhe do të kontribuojë në forcimin ekonomik të të gjithë rajonit. Ne po i kthejmë në realitet projektet për rivitalizimin e këtij rajoni, të cilat deri më tani ishin vetëm në letër. Dhe e gjithë kjo është e dukshme në terren”, tha Kryeministri Kovaçevski.

Korridori 8, së bashku me Korridorin 10-d, janë projekti më i madh infrastrukturor në historinë e vendit tonë.

Ajo që është më e rëndësishme është se me nënshkrimin e Aneksit të Marrëveshjes me Bashkimin Evropian, e cila u nënshkrua së fundmi nga ministri Boçvarski, Korridori 8 bëhet pjesë e hartës së korridoreve kryesore evropiane në aksin Lindje-Perëndim së bashku me Italinë, Shqipërinë dhe Bullgaria.

Deri më tani, korridori 8 nuk ishte në hartën e korridoreve trans-evropiane dhe falë punës së palodhur dhe të përbashkët të qeverive të Italisë, Shqipërisë, Maqedonisë së Veriut dhe Bullgarisë, në fund këtë muaj u nënshkrua aneksi i marrëveshjes, me të cilin korridori 8 është vendosur në hartën e korridoreve trans-evropiane.

Me këtë vendim të Bashkimit Evropian, me ndërtimin e korridoreve 8 dhe 10-d, vendi ynë nga një rrethrrotullim, bëhet udhëkryqi qendror i Ballkanit, dhe pozicionohet në hartën e trafikut dhe ekonomisë  të Europës.

Me ndërtimin e këtyre dy korridoreve, për herë të parë si shtet po krijojmë një lidhje moderne rrugore drejt perëndimit dhe lindjes, dhe jo vetëm veri-jug si më parë. Ne lidhemi me dy porte: një në Burgas, Republika e Bullgarisë dhe tjetri në Durrës, Republika e Shqipërisë.

Përveç kësaj, ne kemi nënshkruar tashmë një marrëveshje ose një memorandum me Qeverinë e Shqipërisë që pas ndërtimit të portit të ri të Porto Romanos, do të mundësohet edhe ndërtimi i një porti të thatë në Strugë, i cili do të lehtësojë më tej të gjitha kompanitë që tregtojnë në vend, por edhe për vendet e Evropës Qendrore dhe Juglindore.

Gjithashtu, nëpërmjet portit të Durrësit kemi mundësinë e lidhjes me portin e Brindisit në Itali dhe me rajonin e Italisë, Austrisë.

Kjo Qeveri ka filluar të realizojë përcaktimin strategjik shumëvjeçar të shumë qeverive. Me ndërtimin e dy korridoreve trans-evropiane 8 dhe 10-d, ne po investojmë në të ardhmen tonë dhe të fëmijëve tanë, por edhe brezave të ardhshëm që do të udhëtojnë në rrugë moderne, bashkëkohore, më të shpejta dhe më të sigurta, duke u lidhur me botën.

Do të hapen mundësi për tregje të reja, si dhe seksionet e reja do të hapin mundësi për biznese të reja, ndërtim objektesh të reja nga aktivitete të ndryshme, pika karburanti, restorante, ambiente hoteliere, resorte, ambiente biznesi. Këto janë, përveç kësaj, mundësi të reja për krijimin e vendeve të reja të punës dhe punësimit për banorët e qarqeve ku do të kalojnë autostradat e korridoreve dhe rrugëve kryesore. Nga ana tjetër, bëhet fjalë për tatimpagues të rinj dhe hyrje të reja nga bizneset e reja në arkën e buxhetit të shtetit.

Këto investime infrastrukturore në rrjetin rrugor janë një investim i përhershëm në të ardhmen tonë.

Duke qenë se jemi sot këtu për të përfunduar këtë rrugë rrugore të realizuar me sukses, besoj dhe pres që brenda afateve të përcaktuara, të përfundojmë edhe pjesën e mbetur të rrjetit rrugor të Korridorit 8 dhe në këtë mënyrë të ofrojmë rrugë moderne, të sigurta dhe kushte më të mira për jetën. e të gjithë qytetarëve që kalojnë këtu.

Në fund, i përgëzoj për realizimin dhe ndërtimin e suksesshëm të kësaj magjistrale  MTL,  NPRSH, kompanive që kanë punuar në projektimin e punëve të mbikëqyrjes.  I uroj punë të suksesshme në përfundimin e pjesëve të tjera që po ndërtohen, që është një rrugë e re, moderne, kryesore që të çon nga Stracini në Kriva Pallankë dhe zgjerimin e korsisë së tretë deri në kufirin me Deve Bair”.