Kryetari i Qeverisë së Republikës së Maqedonisë së Veriut, Dimitar Kovaçevski, u takua me Pol Mekarti, drejtor rajonal për Evropë i Institutit Republikan Ndërkombëtar (IRI).

Në takim u diskutuan çështje aktuale me rëndësi për vendin tonë dhe për rajonin dhe Evropën.
 

Në këtë drejtim, është vlerësuar se është thelbësore që Maqedonia e Veriut të vazhdojë të lëvizë përpara, pas anëtarësimit në NATO dhe drejt anëtarësimit të plotë në Bashkimin Evropian.

Kjo, siç është konstatuar, do të sigurojë cilësinë e jetës së qytetarëve në vend, në drejtim të përmirësimit të standardit të jetesës, cilësisë së shërbimeve, sundimit të ligjit, që janë interesa kyçe qytetare.

Në takim u shpreh pritshmëria që subjektet politike të vendosura në mënyrë demokratike, në muajt e ardhshëm të përfshihen aktivisht në vendimet që do të sigurojnë perspektivat evropiane të qytetarëve dhe Maqedonisë së Veriut.

Kryeministri Kovaçevski falënderoi për bashkëpunimin afatgjatë parimor dhe konstruktiv me Institutin Ndërkombëtar Republikan (IRI), i cili çon në avancimin e proceseve demokratike në vend.

“Qeveria dhe unë si kryeministër jemi aktivisht të përkushtuar ndaj perspektivës. Sot, vendi është një anëtar i barabartë i NATO-s. Ne hapëm negociatat me BE-në, duke mbrojtur gjuhën dhe identitetin maqedonas. Ne kemi zgjidhur sfidat aktuale të situatës në Ukrainë, përmes një partneriteti të fortë me Shtetet e Bashkuara dhe miqtë evropianë. Dhe ajo që duhet është arsyeja e shëndoshë nga të gjitha subjektet politike, se shansi për të bërë një hap të ri përpara është tani”, tha kryeministri Kovaçevski.