Me kënaqësi mund të them se për një kohë të shkurtër kemi  një tjetër investim të ri te ne. Kompania Vabtek ka vendosur të rrisë portofolin e produkteve të saj me një tjetër investim shtesë, i cili do të jetë në Zonën Zhvillimore Industriale Teknologjike Shkup, deklaroi Kryetari i Qeverisë së Republikës së Maqedonisë së Veriut, Hristijan Mickoski nga Uashingtoni pas takimit me Greg Sbroko,  nënkryetar ekzekutiv i kompanisë amerikane Vabtek.

Kryeministri Mickoski theksoi se investimi do të jetë 35 milionë euro dhe bëhet fjalë për më shumë se njëqind vende të reja pune.

Kjo do të thotë që do të kemi rritje të eksporteve, do të thotë se do të kemi ndikim pozitiv në Prodhimin e Brendshëm Bruto. Ajo që përbën detyrim kryesor, fokusi dhe përkushtimi i kësaj Qeverie është ekonomia dhe lufta kundër krimit dhe korrupsionit, tha Mickoski.

Kryeministri Mickoski theksoi se në këtë mënyrë Qeveria dëshiron të tregojë se praktikisht po e ndryshon klimën në vend, gjë që deri më tani ishte vërtet konfuze, si për qytetarët ashtu edhe për investitorët vendas dhe të huaj.

Kompania Vabtek do të ketë fokusin tim personal, pres që ky investim të përfundojë shumë shpejt dhe jo vetëm këtë investim do të mund të shtojmë edhe një investim të ri që do të vijë nga kompania Vabtek, tha Mickoski.

Në fund, Kryeministri Mickoski theksoi se Qeveria tregon se shteti duhet me vepra dhe ky investim është lajm i mirë për qytetarët e Maqedonisë dhe lajm i mirë për ekonominë e Maqedonisë.

Nënkryetari ekzekutiv i Vabtek theksoi se me Kryeministrin Mickoski është biseduar jo vetëm për zgjerimin e prodhimit të Vabtek-ut në vend, por edhe për më shumë mundësi, si për kompaninë ashtu edhe për Republikën e Maqedonisë së Veriut.

Investimi do të jetë rreth 35 milionë euro dhe rreth 100 vende pune, që do të jenë në rrethinën e Shkupit, tha Greg Sbroko, nënkryetar ekzekutiv i Sbroko.