Ministria e Ekonomisë, nesër ose më së voni pasnesër, duhet t'ia dorëzojë Qeverisë Propozim vendimin për Kufizimin e Marzheve për Produktet Bazë Ushqimore.
Ministri i Ekonomisë dhe Punës, Besar Durmishi, ka deklaruar sonte se do të mbulohen produktet nga shporta konsumatore e vjeshtës, përfshirë edhe produktet joushqimore me marzhe të larta të rritura.
- Do të ketë rreth 100 grupe produktesh. Do të shtohen edhe produktet joushqimore sepse nga analiza e Inspektoratit Shtetëror të Tregut ka rezultuar se ka produkte të tilla ku marzhi është rritur. Vendimi do të jetë i vlefshëm deri më 30 prill dhe do të mbulojë të dyja festat e mëdha – Pashkët dhe Ramazanin, tha Durmishi në emisionin qendror të lajmeve të televizionit Sitel.
Durmishi vuri në dukje se analiza e Inspektoratit Shtetëror të Tregut tregon se shitësit me pakicë kanë përdorur marzhe prej 5 deri në 20 për qind për produktet ushqimore bazë dhe 20 deri në 30 për qind marzh fitimi bruto për produktet jo-ushqimore jo bazë.
Ai bëri të ditur se nesër ose pasnesër do të mbahet një takim me institucionet kompetente për të diskutuar masat që do të kishin efekt më afatgjatë.
Ai pohon se shporta e Vitit të Ri ka pasur efekt, por ka pasur shitës dhe shpërndarës që e kanë shfrytëzuar duke rritur çmimet e produkteve që nuk ishin pjesë e shportës së Vitit të Ri. – Pra, nuk është se koshi i Vitit të Ri nuk ka pasur efekte, por jo siç e prisnim, tha Durmishi.
