Zëvendëskryeministri i Qeverisë, përgjegjës për çështje ekonomike, koordinim me resorët ekonomikë dhe investimet, Fatmir Bytyqi dhe drejtorët e Drekslmajer, Jozef Kaufman dhe Lukas Miringer, sot nënshkruan një marrëveshje të ndihmës shtetërore për realizimin e investimit të ri të kësaj kompanie gjermane, e cila parashikon investime prej 16 milionë eurosh dhe hapje të 1000 vendeve të reja të punës në Kavadar dhe Kumanovë.
Zëvendëskryeministri Bytyqi tha se nënshkrimi i kësaj marrëveshje për një investim të ri të kompanisë gjermane Drekslmajer, është një konfirmim tjetër i partneritetit që Qeveria po ndërton me kompanitë që veprojnë në vend, si dhe klimës së volitshme të biznesit që stimulon investime të reja dhe zhvillimin e kompanive. Ai kujtoi se që nga shtatori i vitit 2020, 48 marrëveshje të ndihmës shtetërore janë nënshkruar me kompani që kanë aplikuar sipas Ligjit për mbështetjen financiare të investimeve, gjithashtu kjo është marrëveshja e pestë e nënshkruar për një investim të ri të një kompanie të huaj në vend (VIK- faza e dytë, Iproteks, Purplast dhe Drekslmajer dhe Magna) në këto 8 muaj.
„“Kjo do të thotë që nga shtatori i vitit 2020, një total prej 53 projekteve investuese, me mbështetjen e shtetit janë duke u zhvilluar, me një vlerë totale prej 95,7 milionë euro dhe hapin rreth 2.000 vende të punës për qytetarët. Sot nënshkruam marrëveshjen e ndihmës shtetërore me kompaninë Drekslmajer për një cikël të ri investimesh prej 16 milionë euro dhe 1.000 vende të reja pune. Investimet e Drekslmajer, të bëra në 9 vitet e kaluara, por edhe ky investim i ri, tregojnë se kompania njeh kushtet e mira të biznesit në vendin tonë dhe qëndrimin e sinqertë të Qeverisë ndaj investitorëve”, tha Bytyqi.
Zëvendëskryeministri iu referua masave të mbështetjes të përshkruara në marrëveshjen me Drekslmajer.
“Kompania do të marrë mbështetje në formën e lirimit nga tatimi mbi të ardhurat personale për punësimet e reja në kompani, gjegjësisht për ata që do të jenë pjesë e këtij projekti, për një periudhë deri në 10 vjet, si dhe lirimin nga tatimi mbi të ardhurat në lidhje me projektin e ri të investimeve, për një periudhë 10 vjeçare. Pagesa gjithashtu do t’i bëhet Drekslmajer në formën e një granti parash të gatshme në vlerë prej 10% të shumës së kostove të pranueshme të investimeve, por jo më shumë se 1.000.000 euro në vit, për një maksimum prej pesë vjetësh, si dhe pagesa në forma e një granti parash të gatshme në vlerë prej 2.000 (dy mijë) euro, për të punësuar, për krijimin e vendeve të reja të punës, dhe është veçanërisht e rëndësishme që kjo mbështetje ka të bëjë për ato vende të punës, për të cilat vazhdimisht paguhet rrogë mujore neto më e lartë për të paktën 50 % e shumës së pagës minimale neto të përcaktuar me Ligjin për rrogën minimale të Republikës së Maqedonisë së Veriut”, theksoi zëvendëskryeministri.
Bytyqi shprehu kënaqësinë me faktin se ky projekt investimi do të ndikojë edhe në rritjen e eksporteve në vendin tonë, dhe për shkak se futja e një linje të re prodhimi në repartin në Kavadar dhe hapja e një fabrike të re prodhimi në Kumanovë, do të hapë mundësi të reja për qytetarët nga këto komuna, por gjithashtu do të ndikojnë edhe në zhvillimin ekonomik lokal.
“Veçanërisht e theksoj këtë për Kumanovën, një qytet që i përket Rajonit Verilindor të Planifikimit, një rajon që ka prodhimin e dytë të brendshëm bruto për banor dhe më pak merr pjesë në krijimin e Prodhimit të brendshëm bruto. Unë besoj se një gjigant si Drekslmajer do të ndihmojë në ndryshimin e kësaj pamje dhe në aspektin ekonomik të lëviz Kumanovën, i cili është me të vërtetë në një vend atraktiv, në kryqëzimin midis dy korridoreve pan-evropiane 8 dhe 10, por edhe për të gjithë rajonin”, shtoi zëvendëskryeministri Bytyqi.
Drejtorët e Drekslmajer, Jozef Kaufman dhe Lukas Miringer, theksuan bashkëpunimin e mirë me Qeverinë e Republikës së Maqedonisë së Veriut dhe falënderuan partnerët e tyre ndërkombëtarë Daimler (Daimler) dhe BMW (BMW), të cilët kontribuan në realizimin e investimit të ri. Njëherit, ata shprehën kënaqësinë për bashkëpunimin që kanë me kompanitë vendore, duke theksuar se Drekslmajer bashkëpunon me rreth 700 kompani në Republikën e Maqedonisë së Veriut. Në Kumanovë dhe Kavadar, do të investohen shuma milionëshe dyshifrore në kompani të reja prodhimi dhe do të hapen mbi 1000 vende të punës, thanë Kaufman dhe Miringer.
Kompania Drekslmajer është një markë me famë botërore në industrinë e automobilave, e angazhuar kryesisht në prodhimin e seteve kabllove (sisteme elektrike të plota), dhe midis klientëve të tyre ka shumë që i përkasin 100 furnizuesve më të mirë të makinave, të tilla si Audi, BMW, Bugatti, Cadillac, Jaguar, Lamborghini, Land Rover, Maserati, Mercedes-Benz, MINI, Porsche dhe Volkswagen. Kjo kompani është e pranishme në vendin tonë që nga viti 2012 dhe është një nga punëdhënësit më të mëdhenj në vend.
Me investimin e ri është planifikuar të rriten dhe zgjerohen kapacitetet prodhuese dhe pajisjet për nevojat e projektit të Mercedez-Benz, E-Class në repartin ekzistues të prodhimit në zonën industriale Telot në Kavadar dhe rritjen e kapaciteteve prodhuese me repart të ri prodhimi dhe pajisje në Kumanovë për nevojat e klientëve të tyre Mercedes-Benz dhe BMW për projektet E-Class, G-Class dhe BMW CLAR WE.
