Kryetari i Qeverisë së Republikës së Maqedonisë së Veriut, Zoran Zaev u takua me Dragan Naçevskin, kryetar i Komisionit Gjyqësor të Federatës Evropiane të Hendbollit dhe Filip Miloshevski, sekretar i përgjithshëm i Federatës së Hendbollit, i shoqëruar nga Dimitar Mitrevski, Referues Ndërkombëtar i Hendbollit dhe Mende Ilievski, Kandidat për gjyqtar i hendbollit ndërkombëtar.

Në takim, Kryeministri Zaev shprehu mirënjohje për punën shumëvjeçare të presidentit të Komisionit Gjyqësor të Federatës Evropiane të Hendbollit Dragan Naçevski, i cili me punën e tij të përkushtuar dhe shumë profesionale arriti majat e organizatës gjyqësore të organit evropian dhe kryen disa funksione të tjera të larta në Federatën Ndërkombëtare të Hendbollit.

Suksesi i arbitrit ndërkombëtar Naçevski dhe reputacioni që ai fitoi në ngjarjet e shumta të nivelit të lartë ndërkombëtar të hendbollit, tha Kryeministri Zaev, është një sukses dhe pohim i Maqedonisë së Veriut. Vëmendje të veçantë meritojnë përpjekjet e Naçevskit për të gjetur më shumë çifte arbitrash nga vendi ynë në listën e arbitrave ndërkombëtarë të hendbollit, të cilët me pjesëmarrjen e tyre në turnetë e mëdha të hendbollit vazhdojnë traditën e ambasadorëve të vendit tonë.

Në takimin me Kryeministrin Zaev, sekretari i përgjithshëm i Federatës së Hendbollit Filip Milloshevski informoi për aktivitetet e ardhshme në fushën e hendbollit dhe shprehu mirënjohje për mbështetjen e Qeverisë dhe Agjencisë për Rini dhe Sport (ARS) për organizimin e Kampionatit Evropian për të rinj për djem dhe vajza në gusht në Shkup dhe në Ohër.

Përfaqësuesit e Federatës së Hendbollit dhe organizatës së gjyqtarëve në takimin me Kryeministrin thanë se sporti dhe hendbolli në 4 vitet e fundit marrin një mbështetje jashtëzakonisht të fuqishme përmes politikave sportive të Qeverisë dhe ARS-së dhe njohën sistemin e vauçerëve për të mbështetur federatat e sporteve si jashtëzakonisht inovative dhe sistem i mirëpritur për mbështetjen financiare të sportistëve dhe klubeve dhe federatave të tyre.