Kryetari  i Qeverisë së  Republikës së Maqedonisë së Veriut, Zoran Zaev, udhëhoqi me mbledhjen e 9-të në Këshillin për reforma në administratën publike. Në mbledhje u prezantuan  propozimet, konstatimet dhe rekomandimet nga Projekti "Mbështetje për Riorganizimin e Shtetit.  Për më tepër, anëtarët e Këshillit për reforma në administratën publike shqyrtuan raportin e tretë gjashtëmujor për periudhën janar-qershor 2020 nga Plani i veprimit i Strategjisë për reforma në administratën publike 2018-2022, si dhe raportin e tretë vjetor mbi zbatimin e Planit të veprimit të strategjisë. për reformë në administratën publike (2018 - 2022) për vitin 2020.

Siç  theksoi Kryeministri, riorganizimi i organeve të administratës shtetërore, agjencive dhe shërbimeve të inspektimit është një nga përparësitë kryesore të reformës për përmirësimin e efikasitetit dhe orientimit të shërbimit të administratës publike. Për atë qëllim, u mbajt mbledhje tematike e Qeverisë në të cilën u diskutua në detaje drafti i parë i Raportit të integruar mbi vendosjen e ardhshme organizative të organeve të administratës shtetërore, agjencive dhe shërbimeve të inspektimit në nivelin qendror.

"Bazuar në pjesëmarrjen tuaj aktive nga java e kaluar dhe propozimet që atëherë, por dhe të cilat gjithashtu ndatë me ministrin e Shoqërisë Informatike dhe Administratës, nga ana e  ekipit të projektit është bërë Prezantim i propozimeve, konstatimeve dhe rekomandimeve për strukturën e ardhshme të organeve të administratës shtetërore agjencive dhe shërbimeve inspektuese në nivel qendror", informoi Kryeministri Zaev.

Eksperti i projektit, Aleksandar Antonovs, prezantoi propozimin për strukturën e ardhshme të administratës publike.

Ai iu referua gjithëpërfshirjes në procesin në të cilin ishin përfshirë të gjitha palët dhe të gjitha ministritë. Në periudhën e kaluar, u realizuan disa analiza, intervista, takime pune, të cilat çuan në propozimin e parë për riorganizimin e administratës publike. Propozimi për riorganizim në periudhën e ardhshme do të dorëzohet edhe në mbledhje të Qeverisë.

Kryeministri Zaev shprehu mirënjohje deri te Delegacioni i Bashkimit Evropian dhe Projekti "Mbështetje për riorganizimin shtetëror" për ndihmën dhe bashkëpunimin e deritanishëm në zbatimin e kësaj reforme të rëndësishme e cila duhet të çojë në optimizimin e kornizës së përgjithshme institucionale, e cila do të çojë në vendosjen e linjave të qarta llogaridhënëse, përmirësimi i ofrimit të shërbimeve, efikasiteti dhe efektiviteti i administratës publike dhe përforcimi i besimit të qytetarëve në sektorin publik.

Ministri për Shoqëri Informatike dhe Administratë, Jeton Shaqiri, prezantoi Raportin e tretë gjashtëmujor për periudhën Janar - Qershor 2020 dhe Raportin e tretë vjetor mbi zbatimin e Planit të veprimit të Strategjisë për Reforma të Administratës Publike (2018 - 2022) për vitin 2020 .

 Si  konkluzion i takimit ishte që në periudhën e ardhshme Propozimi për organizimin e ardhshëm organizativ dhe pozicionimi i organeve të administratës shtetërore, agjencive dhe shërbimeve të inspektimit në nivelin qendror do të finalizohet dhe do të dorëzohet në mbledhje të Qeverisë.