Kryeministri Dimitar Kovaçevski në intervistën për TV 21 theksoi se në kushtet kur inflacioni po rritet si i importuar sepse shkaktohet nga rritja e çmimeve të energjisë elektrike, rritja e çmimeve të ushqimeve në tregjet botërore, rritja e çmimit të lëndëve të para në tregjet botërore, si dhe në kushtet kur ballafaqohemi me këtë në vend, Qeveria rriti pagën minimale për të gjitha sindikatat, megjithëse kishte disa sindikata që nuk donin të arrinin një marrëveshje.

“Unë kam qenë gjithmonë në anën e punonjësve. Unë gjithmonë them se më së lehti rritet paga në sektorin publik, gjegjësisht paga që paguajnë tatimpaguesit rritet më së lehti. Sindikatat kërkojnë paga më të larta, Qeveria duhet të përmirësohet dhe këtë do ta paguajnë tatimpaguesit. Nuk është kështu në sektorin privat, në sektorin privat duhet të rritet produktiviteti, të prodhohet më shumë dhe të shitet më shumë për të rritur pagën”, tha Kovaçevski, duke shtuar se edhe në kushte të tilla u mbajtën bisedime transparente me të gjitha sindikatat për të harmonizuar pagën minimale.

“Kemi pasur biseda të gjata me udhëheqësinë e sindikatës, gjegjësisht jo vetëm me kryetarin por me gjithë Këshillin, disa takime të SASHK-ut, madje edhe me kryetaren e Sindikatave Arsimore të Evropës. Tani është duke u zhvilluar një proces ndërmjetësimi. Po bisedohet në Ministrinë e Arsimit dhe Shkencës dhe në Ministrinë e Punës dhe Politikës Sociale dhe duhet të arrihet një zgjidhje që do të thotë rritje të pagave në arsim dhe mbrojtje të fëmijëve. Por të gjitha gjërat duhej të përmendeshin. Për Buxhetin duhet të ketë përgjegjësi, nuk mund të lejojmë të kemi goditje të inflacionit dhe kjo është çështje e përgjegjësisë së çdo pale”, tha Kryeministri Kovaçevski.