Kryeministri Dimitar Kovaçevski në një intervistë për numrin e Vitit të Ri të të përjavshmes “Fokus” tha se intervenime janë bërë edhe kur ka filluar rritja e rrymës.
“Që në dhjetor 2021, ne ngrinim çmimin e produkteve ushqimore bazë për 3 muaj, duke përfunduar në shkurt tw vitit 2022, para luftës në Ukrainë. Mbajtja e çmimeve të ngrira për një kohë të gjatë mund të çojë në mungesa të produkteve nëse çmimet e inputeve bëhen më të larta se çmimi përfundimtar i shitjes, por një kufi mbi marzhet tregtare vazhdon të zbatohet, i cili do të vazhdojë deri më 30 prill 2023. Buka e bardhë, vaji i ullirit dhe sheqeri mbesin me një marzh tregtar prej 5 për qind, kurse qumështi, djathi, gjiza, vezët, makaronat, kosi, kremi mbeten me një diferencë prej 10 për qind, sepse këto produkte konsiderohen si produkte ushqimore bazë”, tha Kovaçevski.
Tensionet e mëtejshme gjeopolitike nga invazioni ushtarak ndaj Ukrainës, në kushte ku bota ende po vuan nga pasojat e pandemisë, kontribuojnë në përkeqësimin e mjedisit global, kanë një efekt negativ në perspektivën ekonomike dhe kanë krijuar presione shtesë në botë edhe ndaj çmimeve tw produkteve bazë dhe të energjisë.
“Të gjitha masat kundër krizës janë miratuar në kohën e duhur në konsultim me të gjitha palët dhe ne po punojmë që ato të zbatohen sa më shpejt. Që nga fillimi i vitit kemi sjellë një pako masash antikrizë prej 760 milionë eurosh, që është paketa më e madhe e ndihmës shtetërore në rajon sipas të dhënave të Bankës Europiane sipas peshës së PBB-së. Ne i liruam kompanitë nga pagimi i TVSH-së kur importonin gaz natyror dhe energji elektrike, gjë që uli të ardhurat në buxhet për 26 milionë euro. Që nga prilli, ne kemi subvencionuar çmimin e energjisë elektrike me 80 për qind të çmimit real të bursës për të 600 mijë familjet dhe 72 mijë kompanitë. Ne kemi marrë masa si për shkollat ashtu edhe për kompanitë që prodhojnë produkte ushqimore bazë, në mënyrë që të parandalojmë rritjen e mëtejshme të çmimeve dhe të ndikojmë në uljen e çmimeve. Tashmë kemi ulje të çmimit të bukës, qumështit, vajit në tregje”, tha Kovaçevski.
