Kryetari i Qeverisë së Republikës së Maqedonisë së Veriut, Dimitar Kovaçevski dhe drejtoresha e DAP-it, Sanja Llukarevska, sot vizituan kompaninë “Vitalia” e cila si një tatimpagues i madh kontribuon ndjeshëm në buxhetin e shtetit nëpërmjet pagesës së kontributeve dhe tatimeve mbi të gjitha bazat.
Kryeministri Kovaçevski theksoi se këto kompani kanë ndikim të rëndësishëm në rritjen dhe zhvillimin e ekonomisë në vend.
“Qeveria krijon politika pozitive dhe prandaj kemi arritur të arrijmë efikasitet në pagesën e tatimit ndaj shtetit. Si Qeveri, bëjmë për procedura më të thjeshta, të gjitha për të ndërtuar një marrëdhënie të fuqishme dhe të pathyeshme me partnerët tanë, kompanitë.
Bashkëpunimi i suksesshëm në biznes do të thotë ekonomi më e fuqishme dhe cilësi më e mirë e jetës për qytetarët, sepse paratë nga tatimet përfundojnë në arkën e shtetit dhe ato para janë të qytetarëve. Vitin e kaluar kemi arritur kthimin më të lartë të TVSH-së në ekonomi që nga pavarësia e shtetit e deri më sot.
Kthimi i TVSH-së për vitin 2022 është mbi 727 milionë euro, ndaj ne mbështesim më tej likuiditetin dhe konkurrencën e kompanive.
Është shumë e rëndësishme që e kemi rritur edhe kthimin e TVSH-së për qytetarët, nga 1800 denarë në 2100 denarë për tremujor”, tha Kryeministri Kovaçevski.
Kompania “Vitalia” ekziston 30 vitesh dhe përveç prodhimit të ushqimeve të shëndetshme dhe specifike, ka investuar edhe në fotovoltaikë.
Me vendosjen aktuale të sistemit të prodhimit të energjisë elektrike, "Vitalia" duke përdorur diellin siguron efikasitet maksimal për të plotësuar nevojat për energji elektrike që përdoret për proceset e prodhimit, si dhe në objektet e tjera të kompanisë.
Drejtoresha e Drejtorisë së të Ardhurave Publike, Llukarevska, theksoi se kompanitë si “Vitalia”, të cilët janë tatimpagues të disiplinuar janë partnerë të Qeverisë në krijimin e përbashkët të politikave
“Kështu së bashku kontribuojmë në një klimë më të mirë të biznesit, së bashku luftojmë kundër ekonomisë gri dhe së bashku krijojmë një imazh të besimit dhe ndërlidhjes reciproke.
Besoj se për menaxherët në vitet e mëparshme, vite specifike, ka qenë sfidë ruajtja e vendeve të punës, por edhe sigurimi i vendosjes së produkteve, prandaj është jashtëzakonisht e rëndësishme që së bashku, si familje, të kontribuojmë në tejkalimin më të shpejtë të sfidave”, tha Llukarevska.Iskra Vetajokoska-Mucunska, menaxhere dhe bashkëpronare e “Vitalia”, theksoi se kompania për 30 vite ka investuar në know-how në prodhimin e ushqimit të shëndetshëm dhe plotësimin e nevojave të konsumatorëve.
30 vite punë e palodhur, mund dhe njohuri, të investuara në studimin e përbërësve më cilësorë dhe prodhimin e ushqimit të shëndetshëm për shijen e të gjithëve.
“Në vitin 2022 filluam “iniciativën e gjelbër”, instaluam një sistem fotovoltaik për prodhimin e energjisë elektrike, i cili na siguroi efikasitet dukshëm më të mirë, ekonomi dhe sigurisht mbrojtje të mjedisit.
Dhe në vitin 2023, ne vendosëm plane ambicioze. "Vitalia" do të vazhdojë të jetë një qendër e inovacionit në ushqimin e shëndetshëm, ne do të bashkojmw teknologjinë dhe përbërësit cilësorë me njohuritë e ekspertëve dhe kështu do të diversifikojmë më tej portofolin tonë.
Ne gjithashtu do të fokusohemi në tregjet në zhvillim - Afrika si një potencial i madh, ku tashmë jemi të pranishëm në 8 vende, duke rritur eksportet në përfaqësim 80% në shitjet totale.
Qëllimi ynë është të zhvillojmë markën dhe të ndihmojmë në ndërtimin e një kulture të jetesës së shëndetshme në të 55 vendet e botës ku sot përfaqësohet marka "Vitalia".
Dhe sigurisht që edhe në vitet në vijim i mbetemi besnik misionit tonë – të krijojmë gjenerata të shëndetshme me produkte të shëndetshme”, tha Vetajokoska-Mucunska.
Fjalimi nga vizita e Kryeministrit Dimitar Kovaçevski në kompaninë “Vitalia”
Kryetari i Qeverisë së Republikës së Maqedonisë së Veriut, Dimitar Kovaçevski dhe Drejtoreshë në Drejtorinë e të ardhurave publike, Sanja Lukarevska, sot kanë vizituar kompaninë “Vitalia”, e cila si tatimpagues i madh kontribuon në buxhetin e shtetit përmes pagesës së kontributeve dhe taksat mbi të gjitha bazat.
Kryeministri Kovaçevski theksoi se kompanitë e tilla kanë ndikim të madh në rritjen dhe zhvillimin e ekonomisë në vend.
Në vazhdim fjalimet nga vizita në tërësi:
“Do të kthehem pas në vitin e kaluar, fillimi i vitit 2023 sjell sfida të reja.
Përvoja që fituam duke menaxhuar 365 ditë që ishin nën ndikimin e rëndë të krizës ekonomike dhe energjetike, janë nxitje për ne që dimë dhe mund të qëndrojmë në mbrojtje të qytetarëve, biznesmenëve dhe kompanive edhe në 365 ditët e ardhshme.
Strategjitë dhe planet e Qeverisë që unë drejtoj nuk janë thjesht shkronja në letër. Nuk kemi lejuar që vendi të ketë mungesë energjie.
I kemi mundësuar qytetarëve që të paguajnë pesë herë më lirë energjinë elektrike. Nuk lejuam klasa të ftohta, kopshte, spitale dhe institucione të tjera publike.
Ne mbrojtëm pensionistët dhe kategoritë e cenueshme të qytetarëve, nuk i vumë para të aktit tw kryer nëse do të duhet të blejnë bukë, të paguajnë rrymë apo të blejnë ilaçe, prindërit e vetëm nëse do të kenë para të mjaftueshme për të mbijetuar muajin.
Në këto kohë krize dhe të paparashikueshme, Qeveria qëndroi pas punëtorëve, pas punëdhënësve dhe sektorit të biznesit.
Për kompanitë e vogla çmimi i energjisë elektrike është ulur me 20 për qind, pra për kompanitë që punësojnë 98 për qind të punëtorëve në vend.
Me uljen e çmimit të energjisë elektrike kemi bërë të mundur uljen e çmimit të produkteve ushqimore bazë.
Mbështetja e kompanive në kohë sfiduese është thelbësore.
Këtë vit presim rritje reale të PBB-së, aktivitet edhe më të madh eksportues, presim rikuperim të plotë të ekonomisë dhe rritje të përshpejtuar bazuar në programet e Qeverisë për të mbështetur kompanitë, për të mbështetur inovacionin e tyre, investimet e tyre, siç po ndodh këtu në “Vitalia”.
Kompanitë janë partnerët tanë, prandaj edhe në kohë krize më të mëdha, ne u mundësojmë kompanive të hyjnë në procese investimi dhe e gjithë kjo çon në rritjen e përshpejtuar ekonomike të shtetit në kushte krize.
Sot më vjen mirë që po vizitojmë një nga kompanitë tona më të suksesshme në vendin tonë.
“Vitalia” këtë vit feston 30 vjetorin e ekzistencës. Kur kalova nëpër uzina, pashë që kjo kompani ndër vite ka investuar shumë në inovacion dhe në ruajtjen e një niveli të lartë të cilësisë së produkteve të saj.Nëse nuk do të ishte për atë cilësi të lartë të produkteve, produktet e tyre sigurisht që nuk do të mund të ishin në raftet në vendet e BE-së.
Nga shtatori 2022, kompania ka investuar edhe në një sistem fotovoltaik për prodhimin e energjisë elektrike me fuqi 410 kw.
Ky është një tregues tjetër i një kompanie të kujdesshme dhe të përgjegjshme shoqërore.
Me konfigurimin aktual të sistemit të gjenerimit të energjisë elektrike, "Vitalia" duke përdorur diellin siguron efikasitet maksimal për të plotësuar nevojat për energji elektrike që përdoret për proceset e prodhimit, si dhe në objektet e tjera të kompanisë.
Me investimin e tyre në burimet e ripwrtwrishme të energjisë të realizuar në periudhën 2021/22, ata ulën konsumin total të energjisë elektrike për njësi të produktit me 30%.
Këto kompani janë bartëse të rritjes së PBB-së në vend, janë krijuese të një numri të madh vendesh pune dhe janë bartëse të progresit teknologjik të vendit.
Pata rastin të njihem nga afër me të gjitha risitë që janë futur këtu, me të gjitha makineritë e reja robotike që po instalohen, të cilat fillimisht do të çojnë në rritje të kapacitetit, rritje të cilësisë, hapje tregjesh të reja dhe një rritje të eksporteve.
Ata janë krijues të imazhit të mirë ekonomik dhe afarist të Maqedonisë së Veriut jashtë vendit.
Kompania “Vitalia”, si një tatimpagues i madh, kontribuon ndjeshëm në buxhetin e shtetit nëpërmjet pagesës së kontributeve dhe taksave mbi të gjitha bazat.
Kompanitë e tilla janë një shembull i shkëlqyer i një tatimpaguesi, i cili paguan rregullisht pagat për punonjësit, shlyen me kohë detyrimet tatimore, ky është një motiv plus për punonjësit e tyre që të jenë më efikas dhe efektiv në punën e tyre.
Qeveria krijon politika pozitive dhe për këtë kemi arritur të arrijmë efikasitet në pagimin e taksave ndaj shtetit. Si Qeveri, ne pwrkushtohemi për procedura më të thjeshta, të gjitha për të ndërtuar një marrëdhënie të fortë dhe të pathyeshme me partnerët tanë, kompanitë.
Bashkëpunimi i suksesshëm i biznesit do të thotë ekonomi më e fortë dhe cilësi më e mirë e jetës për qytetarët, sepse paratë nga taksat përfundojnë në arkën e shtetit dhe ato para janë të qytetarëve.
Qeveria u qëndroi në mbrojte tw familjeve, qytetarëve dhe ekonominë.
Ne sollëm në kohë paketat e masave kundër krizës dhe subvencionet e shumta për t'i ardhur në ndihmë qytetarëve falë mënyrës së punës kursyese dhe të përgjegjshme.
Vitin e kaluar arritëm kthimin më të lartë të TVSH-së në ekonomi që nga pavarësia e shtetit e deri më sot.
Kthimi i TVSH-së për vitin 2022 arrin në mbi 727 milionë euro, ndaj ne mbështesim më tej likuiditetin dhe konkurrencën.
Është shumë e rëndësishme që e kemi rritur edhe rikthimin e TVSH-së për qytetarët, nga 1800 denarë në 2100 denarë për tremujor.
Sa për krahasim, gjatë mandatit të qeverisë së kaluar, kthimi për qytetarët nga TVSH ishte 0. Sot është 2100 denarë.
Sot do të vizitoj një kompani tjetër. Kompania “Galenius” është një tatimpagues i vogël me 10 punonjës, por është një kompani me përvojë të gjerë në prodhimin e produkteve dietike dhe farmaceutike.
Kompania ka zgjeruar biznesin e saj në tregun ndërkombëtar dhe bashkëpunon me kompani të huaja.
Duke përdorur programin IPARD, kompania ngriti cilësinë dhe standardet në funksionimin e saj, por edhe konkurrencën e tregut vendas dhe të jashtëm.
Kjo kompani është një shoqwri mbrojtëse, e cila punëson persona me aftësi të kufizuara dhe për këtë arsye është e përjashtuar nga pagimi i tatimit mbi fitimin dhe merr rikthimin e kontributeve.
Mundësi të tilla ligjore, në praktikë, nënkuptojnë punësim më të madh të tyre, pavarësi dhe stabilitet të tyre ekonomik dhe social.
Ne i ndihmojmë këta qytetarë tanë të përfshihen në tregun e punës, nga ana tjetër kjo do të thotë edhe një nxitje për kompanitë që u mundësojnë personave me aftësi të kufizuara të fitojnë aftësitë e duhura dhe përfshirjen në procesin e punës.
Punëtorët e kënaqur, kompanitë e suksesshme janë përparimi i ri i shtetit.
Ne po jetojmë në kohë shumë të vështira dhe është e vështirë të parashikohen pasojat me të cilat do të përballemi në vitet në vijim, por nëse jemi bashkë, nëse jemi të bashkuar, nëse qeveria i kryen detyrimet e saj ashtu siç bën, nëse kompanitë sillen si kështu siç sillen kompanitë si “Vitalia”, atëherë jam i sigurt se të gjithë së bashku do të arrijmë ta kapërcejmë këtë krizë.
Por ne bëmë gjënë më të rëndësishme, kemi përcaktuar drejtimin në të cilin do të lëvizim dhe nuk ka asnjë devijim nga ai drejtim.
Politika jonë është e qartë, jemi të fokusuar në zhvillimin ekonomik të shoqërisë, krijojmë kushte për hapjen e vendeve të reja të punës, ndihmojmë dhe mundësojmë kompanitë të kenë sukses të rriten në vend dhe të jenë konkurruese në tregjet ndërkombëtare në Evropë dhe në botë.
Dua të falënderoj edhe një herë nikoqirët, t'u uroj shëndet, shumë suksese dhe realizimin e të gjitha projekteve investuese që kanë nisur.
Të hapen shumë më tepër tregje, të punësohen më shumë punonjës, sepse “Vitalia” aktualisht ka mbi 200 të punësuar dhe kështu të kontribuojë në zhvillimin e kompanisë dhe zhvillimin e vendit”.
