Претседателот на Владата на Република Северна Македонија, Димитар Ковачевски во рамки на работната посета на Брисел, денеска ќе одржи прес-конференција во 11:00 часот.

Прес-конференцијата можете да ја проследите на следните линкови:

Прес-конференцијата на македонски јазик

Прес-конференцијата на албански јазик

Прес-конференцијата на англиски јазик

Во рамки на работната посета на Брисел, а во пресрет на Европскиот Совет кој е планиран да се одржи денеска попладне, премиерот Ковачевски ќе присуствува и ќе се обрати на лидерска средба на Европските Социјалисти, каде ќе присуствуваат повеќе лидери на земји меѓу кои и германскиот канцелар Олаф Шолц, премиерот на Шпанија Педро Санчез, премиерката на Данска, Мете Фредриксен, премиерот на Португалија, Антонио Коста и премиерот на Косово, Албин Курти, како и високите претставници на ЕУ, потпретседателите на Европската комисија, Марош Шефчовиќ и Жосеп Борел, како и комесарите Паоло Џентилони, Николас Шмит и Елиса Фереира.

Премиерот Ковачевски вчера присуствуваше на Самитот на ЕУ-Западен Балкан чиј домаќин беше претседателот на Европскиот Совет, Шарл Мишел, а учествуваа и лидерите и шефови на Влади и држави на земјите од Западен Балкан, 27-те земји членки на ЕУ, претседателката на Европската комисија Урсула фон дер Лајен, претседателката на Европскиот парламент Роберта Мецола, еврокомесарот за проширување и добрососедство Оливер Вархеји, високи претставници на Светска Банка, Европска инвестициска банка (ЕИБ), Европска банка за обнова и развој (ЕБОР) и Советот за регионална соработка.

Самитот Европска Унија-Западен Балкан има за цел да ги приближи кон ЕУ земјите од Западниот Балкан, подготвувајќи терен за нивно полноправно членство и овозможувајќи конкретни придобивки за граѓаните уште во текот на процесот на пристапните преговори.

Во состав на делегацијата која премиерот Ковачевски ја предводи во Брисел е заменикот на претседателот на Владата задолжен за европски прашања Бојан Маричиќ.

Линк до албум со фотографии