Ministri i Politikës Sociale, Demografisë dhe Rinisë, Fatmir Limani, ka vizituar sot Shoqatën për Veprim Kundër Dhunës dhe Trafikimit me Njerëz – Porta e Hapur dhe fëmijët viktima të trafikimit të qenieve njerëzore.
Në takim u diskutua për politikat e Ministrisë, e cila është plotësisht e përkushtuar në luftën kundër trafikimit të qenieve njerëzore, përmbushjen e kërkesave dhe praktikave ligjore në lidhje me zhvillimin dhe përmirësimin e politikave kombëtare për parandalimin, rritjen e ndërgjegjësimit publik, drejtimin e ndërhyrjeve për mbrojtjen e viktimave të trafikimit të qenieve njerëzore bazuar në respektimin e të drejtave dhe lirive themelore të njeriut
Ministria është koordinatore e Mekanizmit Kombëtar për Referimin e Viktimave të Trafikimit dhe e kryen këtë detyrim në bashkëpunim të ngushtë me Ministrinë e Punëve të Brendshme, Njësinë për Luftën kundër Trafikimit me Qenie Njerëzore, Qendrat për Punë Sociale dhe shoqatat e qytetarëve që punojnë në këtë fushë.
Qendra për viktimat e trafikimit me qenie njerëzore është themeluar nga Ministria si strehë shtetërore që ka një rol të rëndësishëm dhe kontribuon në mbrojtjen adekuate të viktimave të trafikimit me qenie njerëzore.
Në përputhje me Ligjin për Mbrojtjen Sociale, Ministria financon Qendrën për Viktimat e Trafikimit me Njerëz, e cila ka një kapacitet prej 6 shtretërish.
Sot është nënshkruar Marrëveshja e re Administrative për vitin 2025, për ofrimin e shërbimeve sociale për Qendrën e qëndrimit të përkohshëm të viktimave të trafikimit me qenie njerëzore, ndërmjet Ministrisë dhe Shoqatës për Veprim kundër Dhunës dhe Trafikimit të Qenieve Njerëzore Porta e Hapur.
Në periudhën janar - dhjetor 2024, pesë ekipet mobile për identifikimin e kategorive të rrezikuara të qytetarëve, përfshirë viktimat e trafikimit të qenieve njerëzore, kanë qenë aktive në zbatimin e aktiviteteve programore, duke përfshirë takime të rregullta, vizita në terren, kontakte, referime dhe asistencë për grupet e cenuara, viktima dhe viktima të mundshme të trafikimit të qenieve njerëzore
Në vitin 2024 u identifikuan 40 viktima të trafikimit të qenieve njerëzore, nga të cilat 2 fëmijë. Shumica prej tyre janë viktima të shfrytëzimit seksual - 37, ndërsa 2 persona janë viktima të shfrytëzimit për punë dhe 1 person është viktimë e martesës me detyrim.
Ministri Limani theksoi se “të dëgjohet zëri i fëmijëve viktima nga politikëbërësit është e një rëndësie të madhe”. Sepse kontribuon në zbardhjen e dobësive në sistem, për të forcuar parandalimin, mbrojtjen dhe shtypjen e këtij krimi.
“Të gjithë mund të jenë objektiv, por të gjithë mund të jenë gjithashtu pjesë e zgjidhjes”. Nëse duam të krijojmë një botë pa trafikim njerëzor, duhet të rrisim ndërgjegjësimin në komunitetet tona. Për të edukuar, informuar dhe inkurajuar të tjerët të flasin, të njohin rreziqet, të dinë se ku të drejtohen për ndihmë dhe mbështetje. Çdo veprim i vogël mund të bëjë një ndryshim të madh”, tha ministri Limani në takim.
Ministria e Politikës Sociale, Demografisë dhe Rinisë vazhdon me politika dhe aktivitete që synojnë parandalimin, identifikimin, mbështetjen dhe mbrojtjen e viktimave të trafikimit të qenieve njerëzore.
