Ministria e Financave në bashkëpunim me Institutin e Kontabilistëve dhe Kontabilistëve të Autorizuar janë duke punuar në mënyrë aktive për avancimin e profesionit të kontabilitetit dhe ngritjen e tij në një nivel më të lartë. Këtë e bëri të ditur ministrja e Financave Gordana Dimitrieska-Koçoska, gjatë fjalimit në Konferencën e dytë rajonale të kontabilistëve dhe kontabilistëve të autorizuar në Republikën e Maqedonisë së Veriut.

“Përvoja, profesionalizmi dhe përgjegjësia e profesionit të kontabilistit janë mjete kryesore në analizën e të gjitha të dhënave që janë bazë për miratimin e vendimeve të drejta afariste. Kontabilisti profesionist dhe përgjegjës ka rol jashtëzakonisht të rëndësishëm në përgatitjen dhe nënshkrimin e llogarisë vjetore, raporteve financiare dhe raportimeve tatimore, të cilët kanë rol kryesor për shtetin. Kështu, Instituti i Kontabilistëve dhe Kontabilistëve të Autorizuar ka rol të rëndësishëm në avancimin dhe ngritjen e profesionit të kontabilitetit dhe krijimin e kontabilitetit me zbatimin e standardeve të pranuara nga vendet e zhvilluara, që ndikojnë në konkurrencën e kompanive vendore dhe mundësinë e bashkëpunimit në nivel global”, tha ministrja dhe iu referua rëndësisë së kontabilistëve, që janë aspekti krucial financiar i kompanive dhe se zhvillimi i aftësive të tyre çon në zhvillimin e kompanive dhe ekonomisë së përgjithshme.

Ajo theksoi  se po punohet mbi ligjn e ri të kontabilistëve që është në përputhje me kërkesat e legjislacionit evropian, përkatësisht me Direktivën e raportimit korporativ të qëndrueshmërisë dhe praktikave të duhura ndërkombëtare, si dhe për zbatimin e standardeve ESG (Environmental, Social, Governance)  përkatësisht mjedisin jetësor, përgjegjësinë dhe menaxhimin shoqëror që janë themele për krijimin e biznesit të qëndrueshëm, që bëhen gjithnjë e më aktuale.

Konferenca u mbajt në Shkup, e organizuar nga Instituti i Kontabilistëve dhe Kontabilistëve të Autorizuar.