Zëvendëskryeministri i Qeverisë së Republikës së Maqedonisë, për Çështje Evropiane, Dr. Bujar Osmani, gjatë vizitës së punës në Prishtinë, realizoi takim me Kryetarin e Republikës së Kosovës – Hashim Thaçi.

Në takim u hapën tema rreth progresit dhe baskëpunimit mes dy vendeve, në veçanti bashkëpunimi ndërkufitar, perspektivat evropiane te Ballkanit Perëndimor në proceset eurointegruese, si dhe pritjet e samiteve të ardhëshme të Bashkimit Evropian.

“Data e negociatave për Republikën e Maqedonisë, paraqet pikë kyçe për integrimet tona evropiane, por edhe një përcaktues kryesor për perspektivat evropiane në tërë Ballkanin Perëndimor” theksoi Osmani, duke shprehur kënaqësi se i gjithë rajoni dukshëm po vazhdon drejt Evropës dhe se ka perspektivë kredibile për progresin  e vendeve.

‘’Mbyllëm çeshtjen komplekse ndermjet Maqedonisë dhe Greqisë,  i cili paraqet sukses diplomatik ndërshtetëror qe besoj se do ju  imponohet si një mënyrë për ti mbyllur çështjet e hapura mes  vendeve fqinje në gjithë rajonin’’, theksoi Osmani, duke shtuar se së bashku me implementimin e sukseshem të marrëveshjes për fqinjësi të mirë me Bullgarinë, demonstron në vepër pjekurinë dhe seriozitetin e Maqedonisë ne raport me fqinjët e saj.

Gjatë vizitës, Zëvendëskryeministri Osmani do të realizoj takim edhe me Zëvendëskryetarin e Qeverisë së  Kosovës, Enver Hoxhaj , ku fokusi i bisedimeve do të jetë  bashkëpunimi mes dy qeverive.