Kryetari i Republikës së Maqedonisë së Veriut, Zoran Zaev priti sekretarin e Fondacionit të Gjuhës Maqedonase "Nebregovo" Atanas Koneski.

Atanas Koneski në takim tha se në emër të Fondacionit “Nebregovo” shpreh mirënjohje për Qeverinë dhe Ministrinë e Kulturës të cilët në 4 vitet e fundit mbështesin plotësisht aktivitetet e Fondacionit për afirmimin e jetës dhe veprës së Blazhe Koneskit dhe iniciativat për promovimin dhe ruajtjen e vlerave autentike të gjuhës maqedonase që në periudhën e mëparshme, prej vitit 2008 deri në vitin 2016 vazhdimisht janë injoruar.

Një nder i veçantë për Fondacionin, tha Koneski, është vizita e parë dhe e vetme e një Kryeministri në Shtëpinë Përkujtimore Koneski në Nebregovë që nga themelimi i Fondacionit dhe shpallja e shtëpisë së lindjes së Blazhe Koneskit si një shtëpi përkujtimore.

Sekretari i Fondacionit “Nebregovo” Atanas Koneski, e informoi Kryeministrin Zaev për aktivitetet programore të Fondacionit që përfshihen në programin vjetor për shënimin e 100 vjetorit të lindjes së Blazhe Koneskit, përfshirë botimet "Me rastin e sulmit të fundit ndaj gjuhës sonë ", e cila në fakt është një ribotim i veprës me të njëjtin emër nga akademiku Koneski botuar në 1948, si dhe librat" Koneski frymëzon dhe motivon "," Si më inkurajon Koneski "dhe përmbledhja me poezi nga nxënës, studentë dhe arsimtar "Mesazhe poetike për Koneskin".

Në takim, Kryeministri Zaev theksoi se Qeveria e Maqedonisë së Veriut, së bashku me Ministrinë e Kulturës është plotësisht e përkushtuar në zbatimin e programit të përgjithshëm për shënimin e 100 vjetorit të lindjes së Blazhe Koneskit dhe theksoi se si iniciativë e tij personale ai do të propozojë që Shtëpia Përkujtimore e Blazhe Koneskit në Nebregovë të bëhet një destinacion i rregullt i ekskursioneve arsimore të nxënësve sepse puna e kodifikuesit të gjuhës letrare maqedonase është e pandashme nga Kushtetuta shtetërore e Republikës së Maqedonisë së Veriut si një shtet i pavarur me vendin e tij në bashkësinë e kombeve .