Përmes tre linjave kreditore, KOVID 1, 2 dhe 3, nga Banka për zhvillim e Maqedonisë së Veriut, janë siguruar mjet likuide në shumën totale prej 44,1 milionë euro, me ç’rast janë mbështetur mbi katër mijë kompani që punësojnë 36.802 njerëz. Kjo mbështetje financiare ndihmoi në mënyrë të konsiderueshme kompanitë që të ruajnë likuiditetin e tyre në krizën e shkaktuar nga koronavirusi KOVID-19, kreditë kanë një normë interesi prej 0% dhe grejs periudhë deri në 6 ose 12 muaj, e cila për KOVID 1 u vazhdua edhe për tre muaj.

Qeveri iu dorëzua Raporti për shterimin e linjës kreditore pa interes KOVID 3, nga e cila u mundësuan hua për 2.703 tregtarë-individualë dhe kompanive mikro dhe të vogla, të cilat punësojnë gjithsej 19.031 njerëz. Shuma totale e kredive të miratuara është 30,6 milionë euro. Pas thirrjes së bërë arritën 3.282 kërkesa për kredi, nga të cilat 97% u shqyrtuan. Prej tyre, 2.703 kërkesa për kredi janë aprovuar, ndërsa për 489 kërkesa për kredi është vërtetuar se nuk plotësojnë të paktën njërën nga kushtet e Thirrjes Publike.

Numri më i madh i kërkesave të aprovuara për kredi është nga kompanitë e vogla – 1.422 (53%), pastaj pasojnë mikro kompanitë – 1.052 (39%), tregtarë-individualë - 171 (6%) dhe 58 zejtarë (2%).
 

Në raport me shpërndarjes rajonale, shumica e kompanive janë nga rajoni planifikues i Shkupit, gjithsej 878 (32%), pason rajoni planifikues i Pollogut me 392 kompani (15%), gjithsej 322 (12%) kompani janë nga rajoni planifikues Juglindor, 303 kompani (12%) janë nga rajoni planifikues Jugperëndimor, 257 (10%) janë nga rajoni planifikues Lindor, 270 (10%) janë nga rajoni planifikues i Pelagonisë, 146 kompani (5%) janë nga rajoni planifikues i Vardarit, ndërsa nga rajoni planifikues Verilindor kredi morën 135 kompani (5%).

Linjat kreditore pa interes u treguan si një vegël e shkëlqyeshme për kapërcimin e krizës për kompanitë mikro, të vogla dhe të mesme, tregtarët individualë dhe zejtarët, u sigurua likuiditeti i tyre si dhe mjete qarkulluese, me çka u ndihmua në ruajtjen e vendeve të punës. Me mjete totale prej mbi 44 milionë euro, drejtpërdrejt u mbështet puna e 1.943 mikro kompanive, 1.783 kompanive të vogla, 75 kompanive të mesme, 219 tregtarëve individualë dhe 58 zejtarëve, të cilët punësojnë 36.802 persona.