Të nderuar,

Kujdesin ndaj fermerëve maqedonas e tregojmë me vepra.

Vetëm për rikujtim, gjatë periudhës së kaluar Qeveria e Republikës së Maqedonisë së Veriut, me ribalancin e buxhetit, siguroi mbi 1,250,000,000 denarë për të shlyer detyrimet e papaguara ndaj fermerëve maqedonas.

Gjatë 6 muajve të fundit kemi punuar intensivisht dhe kemi shlyer të gjitha detyrimet e papaguara nga vitet e kaluara në vlerë prej mbi 2.5 miliardë denarë.

Në dy ditët e fundit kemi paguar subvencione për vitin aktual 2024:

• Mbi 294 milionë denarë për 4,533 prodhues për qumësht lope, deleje dhe dhie, për subvencionet për gjashtëmujorin e parë të vitit 2024.
• Rreth 83 milionë denarë për 10,727 fermerë maqedonas në kuadër të masës 1.4 - Pagesa direkte për sipërfaqe të punueshme bujqësore.
• Mbi 392 milionë denarë për 23,626 fermerë për masën 1.1 - Pagesa direkte për sipërfaqe të punueshme bujqësore për të gjitha kulturat bujqësore.
• Mbi 233 milionë denarë për 9,172 fermerë maqedonas për masën 1.2 - Pagesa direkte shtesë për nënmasën 1.1 për përdorimin e materialit të certifikuar të farërave.
• Rreth 118 milionë denarë për 8,729 fermerë për masën 1.8 - Pagesa direkte për sipërfaqe të punueshme për mirëmbajtjen e plantacioneve ekzistuese frutore.
• 146 milionë denarë për 13,412 fermerë, përfitues të masës 1.11 - Pagesa direkte për sipërfaqe të punueshme për mirëmbajtjen e vreshtave ekzistuese.
• Rreth 417 milionë denarë për 8,680 fermerë maqedonas për prodhimin blegtoral nga Programi për vitin 2024.
• Si dhe për masa të tjera.

Të nderuar,

Në dy ditët e fundit janë paguar mbi 1.7 miliardë denarë për rreth 78,000 fermerë maqedonas për vitin aktual 2024.

Në të kaluarën, shërbimi i subvencioneve të rregullta për fermerët tanë ishte një mision i pamundur, ndërsa sot kjo është realitet.

Gjatë 6 muajve të fundit, që kur është formuar Qeveria e udhëhequr nga VMRO-DPMNE, janë paguar mbi 4.3 miliardë denarë për fermerët maqedonas.

Shifrat dhe veprat tregojnë se ne nuk shkruajmë slogane politike dhe as nuk japim premtime të rreme, përkundrazi, fjala dhe premtimi ynë ndaj fermerëve sot është realitet.

Çdo qytetar që ka vendosur të merret me bujqësi meriton një pagesë të rregullt dhe të vazhdueshme të mbështetjes financiare.

Fermerët këtë herë kanë një partner të vërtetë në Qeveri dhe në Ministri, ku së bashku do të krijojmë masa të reja për vitin 2025, politika të reja me qëllim rikthimin e bujqësisë maqedonase në nivelin e saj në vendin tonë.