Takim i Kryeministrit Zaev me Sindikatën e Pavarur të Zjarrfikësve: Janë siguruar para për pagat e zjarrfikësve si persona zyrtarë të autorizuar në sferën e sigurisë, do të ketë edhe rritje në vitin 2020, Qeveria hyri në zgjidhjen e çështjes së trashëguar

Kryetari i Qeverisë së Republikës së Maqedonisë së Veriut, Zoran Zaev, i shoqëruar nga këshilltarja speciale për drejtësi, Tanja Çaçarova Ilievska, u takua me përfaqësuesit e Sindikatës së Pavarur të Zjarrfikësve të RMV-së, të udhëhequr nga kryetari i Sindikatës, Toni Boshkovski, në prani të kryetarit të LSM-së, Darko Dimovski.

Në takim u diskutua për çështje aktuale lidhur me veprimtarinë e zjarrfikësve dhe mundësitë për zgjidhjen e problemit të trashëguar me pagesën e pagave dhe nivelizimin e pagave të zjarrfikësve në komuna të ndryshme, në pajtim me rregulloret ligjore.

Kryeministri Zaev u tha zjarrfikësve se janë siguruar mjete financiare për pagat e të gjithë zjarrfikësit në pajtim me ligjin, si persona të autorizuar në këtë fushë dhe ka rritje të fondeve për pagat e zjarrfikësve për 70 milionë denarë, për vitin 2020.

Në takim u konstatua nevoja për sjelljen e akteve nënligjore, rregulloreve për pagesën e pagave të zjarrfikësve, për shkak të unifikimit të pagesës në pajtim me rregulloret ligjore.

Për këtë qëllim, Kryeministri  Zaev paralajmëroi takime pune me ministren e Mbrojtjes, Radmilla Shekerinska dhe BNJVL.

Takimi i sotëm është vlerësuar si bazë e mirë për përcaktimin e një zgjidhjeje të përhershme të çështjes.