Ministri i Shëndetësisë, Dr. Fatmir Mexhiti, sot së bashku me Kryeshefen Financiare dhe anëtare të Bordit të Drejtorëve të Komercijalna banka SHA Shkup, Maja Stevkova Shterieva, dhe drejtorin e Klasterit të Ballkanit Perëndimor, Farmaci në "Alkaloid" SHA Shkup, Vladimir Indov, nënshkruan marrëveshje për themelimin e qendrës së re interniste urgjente të Klinikës Universitare për Toksikologji.

Në vijim ju përcjellim fjalimin e plotë të tij:

„Realizojmë edhe një premtim tjetër! Sot, me mbështetjen e kompanive përgjegjëse shoqërore Alkaloid dhe Komercijalna banka, nënshkruam marrëveshjen për themelimin e një qendre të re interniste urgjente në Klinikën Universitare për Toksikologji. Ky është një investim që e kam shpallur si një nga prioritetet tona dhe jam vërtet shumë krenar që fillojmë me realizimin e saj.

Qëllimi i kësaj qendre triazhi është të përfaqësojë kontaktin e parë me pacientët, ku është planifikuar të ofrohet kujdes shëndetësor emergjent. Këtu, pacientët që nga pranimi i tyre qëndronin 24 deri në 48 orë, pas së cilës, nëse ishte e nevojshme, shkonin në pavijonet e spitalit të njërës prej klinikave interne ose lëshoheshin në shtëpi.

Duke ndjekur standardet bashkëkohore për shërbime shëndetësore të larta dhe cilësore, do të kryhet rikonstruksioni i një hapësire prej rreth 750 m². Si pjesë e hapësirës do të ketë edhe një dhomë të veçantë për vëzhgimin e pacientëve – kujdes intensiv, si dhe kujdes gjysmë intensiv. Në ambientet e qendrës së urgjencës interniste do të ketë edhe tomografi kompjuterik, rëntgen, eko aparat, endoskopi.

Shpreh mirënjohjen time për kompanitë për kontributin e tyre në përmirësimin e sistemit të kujdesit shëndetësor dhe cilësinë e shërbimeve për pacientët tanë. Brenda një viti kemi bërë ndryshime pozitive në shëndetësinë publike, vazhdojmë edhe më tej të forcojmë sistemin shëndetësor me po të njëjtin intensitet“, thekson Mexhiti.