Mirëdita edhe nga unë. 
 
Me të vërtetë është një nder dhe kënaqësi të jem sot këtu me banorët e Kisella Vodës, në këtë vendbanim dhe sigurisht sa herë që ndërtohet, sa herë që krijohet diçka, ndjenja e gëzimit dhe lumturisë është e pashmangshme.  
 
Nuk kam çfarë të shtoj mbi atë që folësit e mëparshëm e thanë edhe në pjesën e karakteristikave teknike të projektit, buxhetin, mënyrën e funksionimit të kësaj qeverie, përveçse të përuroj kryetarin e komunës, këshilltarët dhe administratën.
 
Dua të falënderoj kolegët e mi nga qeveria, zëvendëskryeministrin dhe ministër i mjedisit jetësor, ministrin e vetëqeverisjes lokale, zëvendësin i cili është gjithashtu këtu, deputetët që vijnë nga ky rajon për luftën e tyre, për dëshirën e tyre për të realizuar edhe një projekt më shumë. Dhe vetëm mund t’ju uroj që të vazhdojnë kështu në periudhën që vjen.
 
Zëvendëskryeministri dhe ministër i mjedisit jetësor tregoi se 350 milionë euro tashmë janë në qarkullim. Por unë do të shtoja këtu se, me iniciativën dhe përpjekjet e tij, projektet që në të kaluarën ishin të bllokuara nga ish-ministrat e ministrisë së vetëqeverisjes lokale, tani janë zhbllokuar.  
 
Dhe këtu bëhet fjalë për edhe rreth 100 milionë euro shtesë, të cilat do të shpërndahen nëpër komuna përmes ministrisë së mjedisit jetësor. Kështu që tashmë arrijmë në një shumë prej gjysmë miliardë euro, diçka që është historikisht e rëndësishme. Diçka që deri më tani ishte e pamundur, por tani po ndodh.  
 
Prandaj, qoftë me fat edhe për banorët dhe për disa muaj nga sot, ky vend do të jetë me të vërtetë një vend i bukur dhe i denjë për shëtitje në mbrëmje, shëtitje gjatë ditës, shoqërim, etj.