Nën patronazhin e Ministrisë për Administratë Publike, sot u mbajt një ceremoni solemne me rastin e ndarjes së çmimeve për Menaxhimin e Cilësisë në sektorin publik.
Në këtë ngjarje fjalim mbajti Ministri i Administratës Publike, Goran Minçev, i cili theksoi se menaxhimi cilësor nuk është vetëm një obligim, por një vlerë thelbësore dhe një udhërrëfyes drejt një menaxhimi evropian dhe të përgjegjshëm.
"Menaxhimi me cilësi nuk është vetëm një mjet – ai është vullnet për ndryshim të vërtetë, për një administratë publike që punon në shërbim të qytetarëve" – deklaroi ministri Minçev në fjalimin e tij.
Këtë vit, certifikata mirënjohje iu ndanë institucioneve që treguan nivelin më të lartë të përkushtimit, efikasitetit dhe transparencës në punën e tyre, dhe ato janë:
• Çmimi i parë: Regjistri Qendror i Republikës së Maqedonisë
• Çmimi i dytë: Agjencia për Punësim e Republikës së Maqedonisë (APRM)
• Çmimi i tretë: Fakulteti për Shkenca Informatike dhe Inxhinieri Kompjuterike (FSHIIK)
"Këto institucione nuk janë vetëm histori suksesi - ato janë dëshmi se reformat janë të mundshme dhe se menaxhimi i mirë sjell besim", theksoi Ministri Minçev.
Ngjarja u organizua në bashkëpunim me Trupin Koordinues për Menaxhimin e Cilësisë dhe është një nxitje për të gjitha institucionet publike që të vazhdojnë përmirësimin e proceseve, sistemeve dhe shërbimeve të tyre, në interes të qytetarëve dhe shtetit.
Ministria e Administratës Publike mbetet e përkushtuar ndaj reformave, standardeve evropiane dhe avancimit të sektorit publik si një nxitës i ndryshimeve.
