Izet Mexhiti është politikan dhe ekonomist i shquar. Ai ka lindur më 8 shkurt të vitit 1977. Me përvojë shumëvjeçare në sektorin publik, Mexhiti është i shquar për angazhimin e tij në zhvillimin ekonomik dhe arsimin.
 
Shkollimin e lartë Mexhiti e kreu në Fakultetin Ekonomik në Shkup në vitin 2000, ku u diplomua në drejtimin e menaxhimit financiar dhe kontabilitetit. Në vitin 2018 ka përfunduar edhe studimet e magjistraturës me temën “Sfidat moderne të zhvillimit ekonomik lokal – rast studimor i Komunës së Çairit”.

Karriera e tij profesionale filloi si profesor në shkollën e mesme ekonomike “Arseni Jovkov” në Shkup, ku ligjëroi nga viti 2001 deri në vitin 2004.

Nga viti 2005 deri në vitin 2017, Mexhiti ka qenë kryetar i Komunës së Çairit, ku në vazhdimësi është zgjedhur në tre mandate. Gjatë kohës së tij si kryetar komune, ai punoi për të promovuar zhvillimin ekonomik lokal dhe për të përmirësuar infrastrukturën dhe shërbimet publike në komunë.

Në vitin 2020, Mexhiti u zgjodh për deputet në Parlamentin e Republikës së Maqedonisë së Veriut, ku vazhdoi punën për avancimin e legjislacionit dhe politikave që mbështesin rritjen dhe zhvillimin ekonomik.

Izet Mexhiti është poliglot dhe flet rrjedhshëm anglisht dhe maqedonisht.