Zëvendëskryetari i Qeverisë i angazhuar për sistemin politik, Ljupço Dimovski, mori pjesë në hapjen e punëtorisë së "USFS-RFMC PrescribedFire Workshop", e organizuar nga Shërbimi për Pyje i SHBA-së (USFS) dhe Qendra Rajonale për Monitorimin e Zjarreve në Pyje.

Në fjalimin e tij para të pranishmëve, Dimovski theksoi qëllimin e zgjerimit të njohurive për praktikat e menaxhimit me zjarret, në nivel rajonal, me fokus në parimet kryesore të djegies së kontrolluar dhe aplikimin e tij në SHBA, Turqi, Gjermani, Greqi dhe rajonin e Ballkanit Perëndimor.

Zëvendëskryetari i Qeverisë iu referua rritjes së numrit të zjarreve, intensitetit dhe ndikimit të tyre në rritje në nivel global dhe në nivel rajonal në Ballkanin Perëndimor dhe në Maqedoni.

Masa kyçe e doktrinës moderne për reduktimin e rrezikut nga zjarret fokusohet në menaxhimin e materialit të djegshëm dhe përdorimin e zjarreve të përshkruara.

Para ekspertëve dhe praktikantëve të pranishëm në fushën e pylltarisë, menaxhimit të zjarreve në pyje në nivel rajonal, mbrojtjes civile dhe menaxhimit të rrezikut, Dimovski theksoi nevojën e rrjetëzimit të tyre dhe pjesëmarrjen aktive me sugjerime, rekomandime dhe propozime në grupin punues qeveritar përgjegjës për transformimin e sistemit për menaxhimin e krizave dhe hartimin e një modeli të një sistemi efikas që do të jetë i gatshëm të përballojë të gjitha rreziqet.