Kryeministri Kovaçevski në “Vetëm intervistë” në Kanal 5, theksoi se duhet të jemi përgjegjshëm jo vetëm ndaj qytetarëve, por edhe sa i përket buxhetit, likuiditetit dhe sa i përket stabilitetit të sistemit financiar. Për këtë shkak, masat janë parashikuar që një pjesë të zgjaten deri në fund të vitit, siç edhe vazhdojnë, ndërsa pjesa tjetër do të riprojektohen dhe në to të punojnë Ministria e Ekonomisë dhe ajo e Financave.

“Nuk do të jetë vonë sepse ne po i monitorojmë shpenzimet, monitorojmë lëvizjet e çmimeve gjatë gjithë periudhave të vitit, sepse disa janë presionet e çmimeve gjatë muajve të dimrit, të tjerat gjatë pranverës, verës, vjeshtës etj.

Në këtë mënyrë, në përputhje me lëvizjet, sipas kërkuesve, masat do të jenë si më parë, të përgatitura dhe të prezantuara në kohë, me qëllim që të  mbrojmë standardin jetësor të qytetarëve. Mirëpo, përsëris, ato tani do të jenë më të shënjestruar dhe do të mund t'i drejtojmë drejt atyre që kanë nevojë më shumë për to”, tha Kovaçevski.

Kryeministri theksoi se me rebalancin e buxhetit ne tashmë ndarë 72 milionë në rebalanc, që janë rezerva për masat kundër krizës.

Një nga rolet e buxhetit dhe politikës fiskale është rishpërndarja e fondeve në vend në pikat ku duhet të investohet ose në pikat ku duhet të japin mbështetje më të madhe për ata që kanë më shumë nevojë në një moment të caktuar. Mendoj se kjo është përgjigja me e përshtatshme”, tha Kovaçevski.

Kryeministri përkujtoi se për të parandaluar rritjen e madhe të çmimeve në pjesën e ushqimit, Qeveria ngriu çmimet e produkteve.

Paga minimale është rritur, ndërsa rritje prej 15% do të marrin mësimdhënësit dhe mësuesit kujdestarë, për të cilët tashmë është arritur marrëveshje me SASHK-un.

Në buxhet gjithashtu është planifikuar rritja e pagave të profesorëve universitarë.